Apocalypse 2:23 - Mbede Lə Luba Kone Gə Sigi

²³ Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.

Testament ke Siki 1960 (Kabba Laka)

²³ Ma ma tounda nganè ke yo. Ndjè ke kei Allah té toï a geré mam nto nè ke nsange kedji ke mè to, ke ma ma karesè kada kada ase koula losè.

Apocalypse 2:23 Iomraidhean Croise

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Lugu 16:15

Jeju pa ar-je na: Sisəy ꞌtɔjije neɗa gə gadə-gadə lə-si gə ɗaga kəm dəwje gə baa, ngaa Luba gərə tar gə mə-si gə tɔ̰y: mba ne gə dəwje d-o gə ne gə to ɓəəl ya̰ ta kəm-je gə le to ne gə mina ta kəm Luba gə.

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Jean 4:16

Jeju pa ar-ɛ na: Aw ɓar ngab-ije ɓo ꞌtəl ꞌɗe nee.

Koula 1:24

Ɗaa ꞌdəji Luba to gə be: Mbayɓe, ꞌi gə ꞌgərə mə-si tɔ̰y, ɔsə ji-i dɔ dəwje gə joo nee se na ɓa ꞌmbər-e,

Romaindjé 14:12

Be ɓa na-na kara horo-sijee gə le, a kɔr go kula ɗ-ɛ no Luba gə ɔji dɔ-ɛ ye ja.

Romaindjé 8:27

ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.

2 Corinthiendjé 5:10

Be ɓa, may kar-sijee tɔ̰y j-ar no ngəndəng gangə tar gə lə Kirisi, mba kar na-na kara inga ne dɔ ji lə-a gə may ose gə kṵra̰y gə ɗa lo gə ye nay nee mə darɔ gə ɓi.

Galatedjé 6:5

mba na-na ja kara tar kula ɗ-ɛ a kuwa dɔ-ɛ.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

1 Piyɛr 1:17

To gə ɓo nje kɔr kəm dəwje ang, gə gangə tar dɔ na-na gə kara gə go kula ɗ-ɛje le, ꞌɓar-ɛje Bɔ nama, may kar dɔ ndɔ kisi kəm baa gə lə-si dɔ nangə nee ja ꞌɓəəl-eje ɗəw pa nja-si gə.

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.

Apocalypse 20:13

Dəwje gə d-uy mə babo gə le, babo təl gə je ɗe gə je, yo je gə lo gə jabaw ꞌtəl gə yo dəwje gə ɓə lə-je ꞌɗe gə je, ɗaa na-na kara, ꞌgangə tar dɔ-ɛ gə ɔji buwa kula ɗ-ɛje.

Apocalypse 22:12

A o, m-aw m-ɗe ɓisine baa, ngaɓa m-ɗe gə nekuga dɔ ji lə-m kara dɔ-m gə, mba kar na-na kara m-uga-a ne ɔji dɔ kula ɗ-ɛ ɗ-ɛ.

Apocalypse 6:8

Ɗaa, a o, m-o kunda gə ndul juma to gə mbi kam be. Dəw gə al-ɛ le ri-a na Yo, ɗaa lo gə jabaw dan go-e. Dəbə nangə gə sɔɔ le d-ar-je singamongə dɔ dəb-e gə kara gə mba kar ꞌtɔl dəwje kəne gə kiya bayi nəm, gə ɓo bo nəm, gə yo ngaɓa gə daje gə dɔ nangə gə nee nəm tɔ.