Apocalypse 2:18 - Mbede Lə Luba Kone Gə Sigi

¹⁸ ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee:

Testament ke Siki 1960 (Kabba Laka)

¹⁸ Eda maketourou are ange ke kei Allah té ke Thyatire, Tar lo Ngon lo Allah, nè ke néh ke kem tokou ndò pourou, ke gèlè to tokou narè ke kasè ke ndokoo.

Apocalypse 2:18 Iomraidhean Croise

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:49

Nataniyɛl təl pa na: Njenetɔji, ꞌI le ɓa ꞌto gə ngon lə Luba, ꞌI le ɓa ꞌto gə mbay gə Ijirayɛl.

Jean 10:36

Dəw gə Bɔ dəwje ɔr-ɛ unda-a gə losang-ɛ ngaɓa ula-a dɔ nangə gə nee le, sisəy, ꞌpaje ar-ɛje na: ꞌTaji Luba, mba m-pa na: M-to gə Ngon lə Luba.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 5:25

Tar gə tɔgərɔ ja, m-pa m-ar-si, kar-ɛ ɗe, ɗaa to kar-ɛ ja ɓisine, logə nje gə d-uy d-a ko ndu Ngon lə Luba, ngaɓa nje gə d-a ko ndu-e le d-a kisi kəm baa.

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 2:1

ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa:

Apocalypse 2:24

Kar-sisəy ɗaa, m-pa m-ar nje gə kɛm gə d-isi Tiyatir. Nje gə tɔ̰y gə ꞌta tar sula lə-a ꞌne gə Jejabɛl nee ang nəm, ngaɓa d-ula rɔ-je bababa dan negərə gə lə ꞌSu ang, to gə ꞌpa ne tar-ɛ le: ꞌMa m-unda nekodo gə uway gə ɗangə dɔ-si gə ang.