Apocalypse 2:10 - Mbede Lə Luba Kone Gə Sigi

¹⁰ ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Testament ke Siki 1960 (Kabba Laka)

¹⁰ Eda bel ang mbata né ke a ko ndooè. Wo, Satan a kongou maredjé horosè té kei koula té, baa ta naasè, ke sésè a koidjé ndoo ke ndò dòkou. Isi ndjè mè ndaa kaï sar yo ke ma ma kari djòkedò tébe.

Apocalypse 2:10 Iomraidhean Croise

Matiye 10:22

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Matiye 10:28

Nje gə tɔl darɔ baa ɓo d-asə tɔl kəm ang le, ꞌɓəəlje-je ang. May kar-si ꞌɓəəlje Luba gə asə mba tuji darɔ gə kəm joo tɔ̰y kəm pər gə.

Matiye 24:13

Ngaa dəw gə uwa gədərə saar ce ɗud-e gə ɓa a kinga kaji.

Marəke 13:13

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Marəke 8:35

Dəw gə njigi ngom təbə lə-a nama a kila-a kɔrɔ, ngaa dəw gə ila təbə lə-a kɔrɔ mba-m ngaɓa mba Tar gə May nama a kaj-ɛ.

Lugu 21:12

Ngaa nam ɓa kar neje nee nday nama, d-a tuwa-si mba kula kəm-si ndoo, d-a kun dɔ-si mə kəy nendoje gə, d-a tuwa-si kum-si kəy kula gə, d-a kaw gə si no mbayje gə, gə no njeko̰ ɓe gə mba tar lə-m.

Jean 12:25

Dəw gə tɔsə kəm-e dɔ təbə gə lə-a nama a kila-a kɔrɔ, ngaɓa dəw gə mbadə təbə lə-a gə dɔ nangə gə nee gə dɔbo̰ nama a ngom-e mba kisi ne kəm baa gə ndɔ gə ndɔ.

Jean 13:2

Logə d-isi ta ka nekusa gə ɗaa, Judas Isikariyɔdə ngon lə Simo, gə a kun dɔ Jeju le, ꞌSɛ̰ngərɛ̰ ula kəji tar gə kṵra̰y m-e gə kede ɗɔdə ngaa.

Jean 13:27

Be ɓa, go dɔ dum mbə gə nee ɗaa, ꞌSu andə m-e gə. Ɗaa Jeju pa ar-ɛ na: Ne gə ꞌnjigi ɗa le, ꞌɗa gə ngɔdə.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Koula 21:13

Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju.

1 Corinthiendjé 9:25

Dəw gə njeka̰y ngɔdə gə ɗa-ɗa kara sangə rɔ-ɛ dɔ neje gə tɔ̰y, ngaa ꞌjejee nee le ꞌɗa be mba kinga ne dɔ gugu gə a tuji pugudu baa, ngaa kar-sijee le ɗaa to dɔ gugu gə a tuji ang.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

1 Piyɛr 5:4

be ɓa logə njekuul badəmje gə to dəw dɔ rɔ-ɛ le, a ɗe nama a kingaje dɔ gugu rɔnduba gə a tuji ang.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 13:2

Da gə m-o-e le ta naa gə makɔr, gɔl-ɛ to to gə kar njagəmanjɛr, t-ɛ ta naa gə ta ꞌnam. Ɗaa da kɔb ar-ɛ singamongə lə-a, gə ngəndəng mbay lə-a, ngaɓa gə singa ko̰ dɔ neje.

Apocalypse 13:7

D-un ɗəw d-ar-ɛ kar n-ɗa ɗɔ gə njerɔsangəje n-cɛdə-je ɗɔ, ngaɓa d-ar-ɛ singamongə ko̰ dɔ gəl ka tɔ̰y, gə dɔ dəw mə ɓeje tɔ̰y, gə dɔ ndo̰ tar tɔ̰y, gə dɔ gəl kuji tɔ̰y tɔ.

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.