Apocalypse 2:1 - Mbede Lə Luba Kone Gə Sigi

¹ ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa:

Testament ke Siki 1960 (Kabba Laka)

¹ Eda maketourou are ange ke kei Allah té ke Ephèse, Yèn to tar lo nè ke nwaa ndètélendèdjé shiri dja té ke kòl, ke ndja horo lampe lor té ke shiri.

Apocalypse 2:1 Iomraidhean Croise

Matiye 18:20

Mba lo gə dəwje joo ose munda ꞌmbo̰ naa kəne gə ri-m, nama m-ga̰ horo-je gə.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Jean 5:35

Ja̰ to ngəl gə d-ɔsə pər kəne ɗaa ndogo: ɗaa sisəy ꞌnjigije mba kar n-ndogo dɔ-si gə n-ar-si ꞌɗaje rɔləl kəm ngira kar kara.

Koula 18:19

Logə ꞌce Epɛs ɗaa Pɔl ḭya̰-je ngaa ye ɔdə aw kəy nendo gə lə Jiibije, aw ma̰y gə je tar,

Koula 18:21

Ngaa təl kisi le uwa mə Pɔl ang ɗaa ɔdə ḭya̰-je, ngaɓa pa na: Kəm kar-m m-ɗa nay gə aw ɗe əng Jerujalɛm ɓa a may. To gə ɓo Luba njigi nama m-a təl ɗe ɓe lə-si ɓi. Be ɓa n-al to Epɛs n-aw gə Sejare.

Koula 19:1

Dɔ ndɔje gə Apolos ga̰ ne Kɔrɛnt ɗaa Pɔl nday mə ɓeko̰je gə dɔ ər gə aw Epɛs ngaɓa logə n-aw ɗaa n-inga ngan njenendoje ɓəəl, ɗaa

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Apocalypse 1:16

n-uwa ndɛ̰ndərɛ̰ndɛ̰je siri ji-a gə kɔl gə, ngaɓa kiya bay gə t-ɛ adə pəm-pəm ɓe joo ce kil-e gə, cibi ta kəm-e ndogo to gə kar gə ila nangə ladə-ladə be.

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 12:1

Netɔji gə boy kara ce mə dara gə: jene kara, kar dəb-e guburu, nay to gəl gɔl-ɛ gə nangə, ngaɓa jɔgə gə to gə ndɛ̰ndərɛ̰ndɛ̰je dɔg gə gir-e gə joo to dɔ-ɛ.

Apocalypse 2:12

ꞌƊa mbede ar anji lə mbo̰ naa lə njetakagəje gə Pɛrəgam: O tar gə dəw gə ndo̰ kiya bayi lə-a adə ngɛl-ngɛl ngaɓa t-ɛ adə pəm-pəm ɓe joo pa:

Apocalypse 2:18

ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee:

Apocalypse 2:8

ꞌƊa mbede ar Anji lə Mbo̰ naa lə njetakagəje gə Isimirənə: A o tar gə dəw gə dɔngɔr gə dəw gə njekudu bo̰ pa, ye gə uy ɓa təl ndol aw kəm baa:

Apocalypse 3:1

ꞌƊa mbede ula ne ar anji lə mbo̰ naa lə njetakagəje gə Sarədə: A o, tar gə dəw gə uwa njilje gə siri lə Luba gə ndɛ̰ndərɛ̰ndɛ̰je gə siri ji-a gə pa le ɓa nee: M-gərə kula ɗa-ije; m-gərə gə maj-ɛ to gə ꞌpa tar lə-i gə lo-lo na aw kəm baa, ngaa uy.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.