Apocalypse 19:7 - Mbede Lə Luba Kone Gə Sigi

⁷ J-a ɗaje rɔləl, j-a talje ꞌmajagəra ɓo j-ulaje rɔnduba dɔ-ɛ gə, mba ndɔ ta naa lə ngon badəm le asə ngaa ɗaa jene lə-a kara uwa dɔ gɔl rɔ-ɛ kər-kər tɔ.

Testament ke Siki 1960 (Kabba Laka)

⁷ Ase kare djèdjè nkoukou ke djare ròdjè nèldjè nya ke djòsou gadjè, mbata ndò taa dènè lo Ngon bati dé mbä, ke dènè la da rè ndja ase.

Apocalypse 19:7 Iomraidhean Croise

Matiye 1:20

Logə n-aw n-əji m-e gə to gə be ɓi ɗaa, Anji lə Mbayɓe ɗe uru dɔ-ɛ gə gə ni, pa ar-ɛ na: Jəjəb, ngon ka Dabidi, ꞌɓəəl ang ɓo, uwa Məri le gə rɔ-i gə to gə jene lə-i, mba ngon gə to m-e gə əng le ɗe ɗəw gə lə Njil Njerɔsangə,

Matiye 22:2

Ɓeko̰ gə dara le to ɗəw kara baa gə mbay gə ɗa ndam ta naa mba ngon-e.

Lugu 12:36

Sisəy le, ꞌɗaje ne to gə ngan njekulaje gə d-aw ꞌngina ꞌɓəə-jeje gə aw lo ɗa nay ta naa gə, mba kar lo gə n-a təl ɓa n-unda ta kəy nama, a kɔrəje gə tɔg-ɛ baa.

Jean 3:29

Nje ta jene ja ɓa to gə ngab-ɛje ngaa njekura lə ngaw jeneje gə ar mbɔr-ɛ gə le, o tam lə jingaw gə nje jene le gə rɔləl; rɔləl gə nee, gə ꞌma m-isi dan-ɛ gə le, tɔl t-ɛ bɛm ngaa.

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

Ephésiendjé 5:23

Mba jingaw to gə dəw dɔ jene, to gə Kirisi to ne dəw dɔ Mbo̰ naa lə njetakagəje, gə to gə darɔ-ɛ, gə ꞌne ja ɓa n-to gə njekaji-e tɔ.

Ephésiendjé 5:32

Ne gə to lo kiya-a gə nee le to ɓəəl; ɗaa ꞌma, m-pa ɔji dɔ Kirisi ngaɓa ɔji dɔ Mbo̰ naa lə njetakagəje tɔ.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 19:9

N-pa n-ar-m na: ꞌƊa! Nokarə to kar nje gə ꞌɓar-je lo muru ta naa gə lə ngon badəm! Cibi ꞌpa n-ar-m na: To gə tarje gə tɔgərɔ gə Luba ja pa.

Apocalypse 21:2

Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.