Apocalypse 19:3 - Mbede Lə Luba Kone Gə Sigi

³ Ngaɓa ꞌtəl pa gə njekum gə gɔl joo na: Aleluyia! Ɗaa sa pər gə o̰-ɛ uba ngug-ngug gə ɓal gə ɓal.

Testament ke Siki 1960 (Kabba Laka)

³ Dèdè mpa ke tarr gar djo, Alléluia. Sa pourou la ï tarr ke ndò ke ndò.

Apocalypse 19:3 Iomraidhean Croise

Jude 1:7

Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.

Apocalypse 14:11

Kəm ndoo lə-je le sa pər uba ngug-ngug gə ndɔ gə ndɔ, lo kuwa kɔr-je godo dan kara gə londul gə, nje gə ꞌpolo da kɔr gə ndaji-ɛ, na-na gə d-unja ndaji ri-a rɔ-ɛ gə.

Apocalypse 18:18

Ngaɓa logə d-o sa pər gə ro-e uba ngug-ngug ɗaa, ꞌɗa ne gə ndu-je gə boy wəl na: Ɓebo gə ɗa ɓa d-a kɔji ne ɓebo gə boy le wa?

Apocalypse 18:9

Ɗaa, logə mbayje gə dɔ nangə gə d-a ko sa pər gə ro ɓebo gə Babilon gə uba ngug-ngug ɗaa, d-a kula man no dɔ-ɛ gə yaw-yaw, ꞌjejee gə to gə nje baa kayaje gə nje baa kuba mayje lə-a.

Apocalypse 19:1

Go-e gə ɗaa, m-o ndu ɓar mbi-m gə boy ta naa gə ndu bula dəwje gə mə dara gə na: Aleluyia! Kaji gə rɔnduba gə singamongə to kar Luba lə-sijee,

Apocalypse 19:4

Ngatɔgəje gə dɔg joo gə gir-je gə sɔɔ, gə nekundaje gə sɔɔ d-um məkəji-je nangə, no Luba gə, ye gə isi dɔ ngəndəng mbay gə ɗaa ꞌpa na: Oyo! Aleluyia!