Apocalypse 19:18 - Mbede Lə Luba Kone Gə Sigi

¹⁸ mba ko̰ yo mbayje, yo njekɔr no njeɗɔje, yo njesingamongəje, yo kundaje gə njekal-jeje, yo dəwje tɔ̰y, ngan kujije gə ɓərəje, nganje gə bubaje.

Testament ke Siki 1960 (Kabba Laka)

¹⁸ Ta kön da rò mbaibédjé, ke da rò padjadjé, ke da rò tòkou dooudjé, ke da rò soundadjé ke dooudjé ke isi dòdè té, ke da rò dooudjé toï, dèdè ke dao dòdè to lél pè ke beredjé tò, dèdè ke ngadji ke dèdè ke tòkou tò.

Apocalypse 19:18 Iomraidhean Croise

Matiye 24:28

Lo gə yo ne a to kəne le malje d-a mbo̰ naa kəne ja.

Lugu 17:37

Ngan njenendoje d-un tar ꞌdəji Jeju na: Ne gə nee le a to lo gə ɗa gə wa Mbayɓe? Lo gə yo ne to kəne nama, lo-e gə əng ja malje d-a mbo̰ naa kəne.

Apocalypse 11:18

Ɗaa, wungu ɗa dəwje gə ꞌgərə Luba ang gəl kuji dəwje gə, ngaa to gə wungu lə-i ɓa ɗe. To dɔ kar gangə tar dɔ nje gə d-uy gə, dɔ kar kuga ne dɔ ji lə ɓərə kulaje gə to gə pajambərəje gə njerɔsangəje gə nje ɓəəl ri-ije, nganje gə naa gə dəwje gə tɔgə, dɔ kar tuji gə ɔji dɔ nje gə ꞌtuji dɔ nangə nee.

Apocalypse 13:16

Nganje gə bubaje, bawje gə njendooje, ngan kujije gə ɓərəje, tɔ̰y ja n-ar d-ɔsə ndaji mə ji-je gə kɔl gə ose ɓida noje gə.

Apocalypse 17:16

Ɗaa, gaji da gə dɔg gə o, gə da le, d-a njigi jene kaya le ang gə kɔrɔ, d-a tɔr ne rɔ-ɛ, kḭya̰-a kud-e dum baa. D-a kusa da kas-ɛ ngaɓa d-a ro-e gə pər tulug-tulug.

Apocalypse 19:5

Be ɓa ndu ḭ ngəndəng mbay gə ɗaa pa na: Ɔsəje gaji Luba lə-sijee, sisəy ngan njekulaje lə-a tɔ̰y, sisəy gə ꞌɓəəl-eje, nganje gə bubaje.

Apocalypse 6:15

Mbayje gə dɔ nangə gə nee, dəwje gə bo-bo, njekɔr no njeɗɔje, njenekingaje, gə njesingaje, ɓərəje tɔ̰y gə ngan kujije, d-iya rɔ-je bolo ərje gə, gə horo pil ərje gə dɔ ərje gə.