Apocalypse 19:11 - Mbede Lə Luba Kone Gə Sigi

¹¹ Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Testament ke Siki 1960 (Kabba Laka)

¹¹ Gè té nèn ma mo dara teï, ke wo, sounda ke ndaa. Nè ke nisi dè té mmarè na Ndjè mè ndaa kaï ke Tokoro, ke nè ngange saria ke nè nda doo gaté gaté.

Apocalypse 19:11 Iomraidhean Croise

Jean 1:51

Tar gə tɔgərɔ ja m-pa m-ar-si, a koje ta dara a cɛ̰, ngaɓa anjije lə Luba d-a kal kaw taar gə ɗisi kuru nangə dɔ Ngon lə dəw gə.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 11:19

Ɗaa ta kəy gə lə Luba gə mə dara gə cɛ̰, ngaɓa sandubu kone ce to mə kəy gə lə Luba; ɗaa nji təl pa̰y-pa̰y ngaɓa ndu dəwje ɓar gə nji ndangə bangərang-bangərang, nangə kara yə, ngaɓa kɔji nə̰y nangə hadada-hadada tɔ.

Apocalypse 19:19

Ɗaa m-o da kɔr, gə mbayje gə dɔ nangə gə nee gə njeɗɔje lə-je, ꞌmbo̰ dɔ naa gə mba kar d-ila ɗɔ dɔ njekal kunda gə, je gə njeɗɔje lə-a.

Apocalypse 19:21

Nje gə kɛm ɗaa, ꞌtɔl-je gə kiya bayi gə ce ta njekal kunda gə le, ɗaa əlje tɔ̰y d-o̰ yo-je d-ar mə-je ci.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.

Apocalypse 4:1

Go-e gə gugu ɗaa m-o ta ɗəw cɛ̰ mə dara gə, ɗaa ndu gə dɔngɔr gə pa sə-m tar gə ur mbi-m gə le ɓar to gə kuul be, pa na: Ɔdə gə nee, ɗa m-a tɔji ne gə a nday mə ndɔ gə aw ɗe gə kede əng.

Apocalypse 6:2

Ngaɓa m-o kunda gə nda kara. Ye gə al-ɛ le uwa kondoro ji-a gə; d-ar-ɛ jɔgə kara ngaɓa n-ɔdə n-aw gə nje cɛdə ɗɔ mba cɛdə ɗɔ.