Apocalypse 19:10 - Mbede Lə Luba Kone Gə Sigi

¹⁰ M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Testament ke Siki 1960 (Kabba Laka)

¹⁰ Bana ma moso nò gòlè té ta walè, a nè mpa narem, Eda ban ang, mam nto ngonlokisi mari ke ngaköidjé ke ngem tar nadji lo Jésus. Ewal Allah. Mbata tar nadji lo Jésus to ndii pa tar lo Allah ke daka.

Apocalypse 19:10 Iomraidhean Croise

Matiye 4:10

Jeju pa ar-ɛ na: ꞌSu ɔdə gə ɗangə! Mba ꞌɗa mə mbede gə na: ꞋI a polo Mbayɓe, Luba lə-i, ngaɓa ꞌne ja gə kar-ɛ baa ɓa a kun rɔ-i kar-ɛ.

Marəke 5:22

Njeko̰ dɔ kəy nendo, gə ri-a na Jayirus o-e ɗaa, ɗe uwa nangə no gɔl-ɛ rib,

Marəke 7:25

Mba jene kara, gə njil gə kṵra̰y ɗa ɓe mə ngon-e gə jene gə, o tar gə ɔji dɔ Jeju ɗaa, ɗe oso nangə no gɔl-ɛ gə.

Lugu 1:19

Anji le təl pa ar-ɛ na: ꞌMa le m-to anji Gabəriyɛl gə m-ar no Luba gə, Luba ula-m kar-m pa sə-i tar, cibi m-ila mbərə Tar gə May nee gə ɔji dɔ neje nee le mbi-i gə.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 5:39

ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 13:27

Mba dəw mə ɓeje gə Jerujalɛm gə mbayje lə-je ꞌgərə Jeju ang. Ngaɓa mbede lə pajambərəje gə ꞌtura gə ndɔ kuwa kɔr taar-taar le kara nəm. Ngaa ꞌgangə tar dɔ-ɛ gə d-ar tarje le aw ne lo-e bɛrɛrɛ.

2 Corinthiendjé 8:7

Ɗəw kara baa, to gə sisəy ꞌtoje baw dɔ neje gə tɔ̰y nee: takagə nəm, tar pa nəm, negərə nəm, ndəbə sər dɔ neje gə gə loe-loe ngaɓa njigi gə njigi-je sijee nəm, may kar ꞌɗaje kula mənuji gə nee le ar-je uru gada.

Ephésiendjé 5:15

Be ɓa, undaje kəm karə dɔ pa nja-si gə gə maj-ɛ: ꞌnjaje ji mbəje ang, ngaa ji njekəmkarəje.

Ephésiendjé 5:33

Ban-ban ja kara, kara kara lə-si tɔ̰y le, na-na ja kara ye gə ɔji dɔ-ɛ le, may kar njigi jene lə-a to gə darɔ-ɛ ye ja be, ngaɓa kar jene kara ila kuji dɔ ngab-ɛje gə tɔ.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Ebərəje 12:25

Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.

1 Jean 5:21

Ngan-m gə gɔgɔ, ꞌngom-je rɔ-si dɔ magəje.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 12:17

Wungu ɗa da kɔb dɔ jene gə ɗaa ɔdə aw ila ɗɔ dɔ kɛsə ngan ka jene gə, nje gə d-ila kuji dɔ toronduje gə lə Luba ngaɓa ꞌngom tar naji lə Jeju.

Apocalypse 14:7

N-pa gə ndu-e gə boy na: ꞌƁəəlje Luba ɓo ulaje rɔnduba dɔ-ɛ gə mba kar gangə tar lə-a asə nam ngaa ꞌpoloje nje ɗa dara gə nangə, gə babo gə kəm ɗəw manje.

Apocalypse 15:4

Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.

Apocalypse 19:9

N-pa n-ar-m na: ꞌƊa! Nokarə to kar nje gə ꞌɓar-je lo muru ta naa gə lə ngon badəm! Cibi ꞌpa n-ar-m na: To gə tarje gə tɔgərɔ gə Luba ja pa.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na: