Apocalypse 18:3 - Mbede Lə Luba Kone Gə Sigi

³ Mba gəl kujije tɔ̰y d-ay kodo wungu kaya lə-a; mbayje gə dɔ nangə gə d-uwa sə-a baa kaya, ngaɓa nje laɓə neje gə dɔ nangə ꞌto ne njenekingaje ɗew singamongə nemayje lə-a.

Testament ke Siki 1960 (Kabba Laka)

³ Mbata gel dooudjé toï aih vin ke ongou da kaiya la, ke mbaibédjé ke nange nèn da kaiya sa mbä, ke ndjè né ndokodjé ke nange nèn inga né kinga nya deo boo madjang té la.

Apocalypse 18:3 Iomraidhean Croise

Lugu 7:25

Ngaa, ɗi ɓa aw oje wa? Dəw gə ula kubu gə bḭ may wa? Oje, nje gə d-ula kubu gə bḭ may ngaɓa d-isi dan may gə le, d-isi kəy mbayje gə.

1 Timoce 5:11

Ngaa, ye gə uji dɔ jene ndubaje gə nay mandə ɓi nama, ɔr ji rɔ-je gə mba lo gə ɓo darɔ-je ḭ gə je nama, d-a mbadə-je Kirisi nəm ngaɓa d-a təl kaw ta ngaw gə ɗangə ja cibi.

Apocalypse 14:8

Cibi Anji gə ɗangə kara gə njekum gə joo, ore go ye gə kede ɗaa pa na: Ɓɛlɛ ngaa, n-tuji pugudu ngaa, n-tuji pugudu ngaa, ꞌne gə Babilon gə boy, gə njekula kodo wungu lə-a mɛr-mɛr mə gəl kujije gə tɔ̰y kum neje dan kaya gə le.

Apocalypse 17:2

ꞌNe le ɓa mbayje gə dɔ nangə gə d-uwa sə-a ba-ɛ ꞌto ne gə kayaje, ɗaa dəwje gə d-isi dɔ nangə gə d-ula ne rɔ-je lo kay kodo gə aw gə je mɔdə kaya gə.

Apocalypse 18:19

D-um ꞌbaburu dɔ-je gə ɗaa d-uru ꞌkuwi gə man no gə kəm ndoo yo ꞌpa na: Tuji! Tuji! Ɓebo gə boy gə nekinga lə-a unda njetoje tɔ̰y gə ꞌnja dan may gə, ꞌje gə d-aw gə ko̰ toje dɔ babo gə le ja ngaa, mə kar gə kara ne ja baa neje godo kəne tɔ̰y ne!

Apocalypse 18:23

Pər lambe kara a ndogo wə̰ ɓə lə-i ang saar gə no. Dəw a ko ndu nje jene gə sigi je gə jene lə-a hɛ̰ ɓə lə-i ang saar, mba nje laɓə neje lə-i ꞌto gə dəwje gə bo-bo gə dɔ nangə gə nee, ngaɓa mba kula ɗa mbɛ̰je lə-i ərə gəl kuji dəwje tɔ̰y ar-je ꞌndəm ne.

Apocalypse 18:7

Ɗəw kara baa to gə ləl-e ya̰ kar n-isi dan riɓar gə, gə dan nemayje gə le, be ja tɔ ꞌtəlje gə kula kəm ndoo gə kəm ndoo yo gugu ar-eje. Mba n-əji m-e gə na: M-to mbay jene ɓo m-to gə jene nduba ang nəm, ngaɓa ndɔ kara baa be kara kəm ndoo yo a ɓar ri-m ang nəm tɔ,

Apocalypse 18:9

Ɗaa, logə mbayje gə dɔ nangə gə d-a ko sa pər gə ro ɓebo gə Babilon gə uba ngug-ngug ɗaa, d-a kula man no dɔ-ɛ gə yaw-yaw, ꞌjejee gə to gə nje baa kayaje gə nje baa kuba mayje lə-a.