Apocalypse 18:2 - Mbede Lə Luba Kone Gə Sigi

² N-uru ꞌkuwi gə ndu-e gə boy wəl na: N-oso ngaa, n-oso ngaa, ꞌne gə Babilon gə boy le; n-təl to gə lo kisi lə ꞌSɛ̰ngərɛ̰je, lə njilje gə kṵra̰y nəm lo kinga naa lə njilje gə mina tɔ̰y ngaɓa to lo kinga naa lə əlje gə mina gə to yɛm, gə daje tɔ̰y gə to yɛm, gə baa gə nangə əng nəm tɔ.

Testament ke Siki 1960 (Kabba Laka)

² Nè mpa ke ndou ke bar nya, Noso mbä, noso mbä, tòkou Babylone, Nè ndé to loou kisi lo ndildjé lo Satan, loou ke ndildjé ke madjang toï éh kendé, loou ke eldjé toï ke madjang ke dooudjé mbetédè déh kendé.

Apocalypse 18:2 Iomraidhean Croise

Apocalypse 1:15

Gɔl-ɛ ta naa gə mbay ngira gə d-ula bundang gə be, ngaɓa ndu-e ta naa gə kɔr babo kadə tɔ;

Apocalypse 10:3

ɗaa n-pa tar gə ndu-e gə boy to gə ꞌnam gə uwa mii be. Lo gə anji pa tar gə ndu-e gə boy ɗaa ndu nji gə ndangə gɔl siri ɓar.

Apocalypse 11:8

Nin-je a to ɗəw boo mə ɓebo gə boy gə d-unda ri-a gə ne kɔji mar-ɛ ɗəw njil gə na Sɔdom gə Ejipətə, lo-e gə ꞌɓərə Mbayɓe kagə dəsə gə kəne.

Apocalypse 14:15

Cibi, anji gə ɗangə kara ɔsə lo ce mə kəy gə lə Luba ɗaa uru ꞌkuwi gə ndu-e gə boy wəəl ar ye gə isi dɔ mum gə le na: Ila marəm lə-i ɓo unja ne ko. Kar kunja ko asə ngaa, mba ko gə dɔ nangə gə nee le tɔgə ngaa.

Apocalypse 14:8

Cibi Anji gə ɗangə kara gə njekum gə joo, ore go ye gə kede ɗaa pa na: Ɓɛlɛ ngaa, n-tuji pugudu ngaa, n-tuji pugudu ngaa, ꞌne gə Babilon gə boy, gə njekula kodo wungu lə-a mɛr-mɛr mə gəl kujije gə tɔ̰y kum neje dan kaya gə le.

Apocalypse 16:13

Cibi, m-o njilje gə kṵra̰y munda gə ꞌta naa gə gɛ̰je be ꞌce ta da kɔb gə, gə ta da kɔr gə ngaɓa gə ta pajambərə gə gə mbɔr-ɛ baa nəm tɔ.

Apocalypse 16:19

ꞌGangə ɓebo gə boy le dana lo munda. Ɓeboje lə dəwje gə ꞌto gə Jiibije ang d-unda nangə mburugu. Ɗaa mə Luba ole dɔ Babilon gə boy, mba kar-ɛ ngo kay kodo wungu lə-a gə ḭ pu-pu.

Apocalypse 17:18

Ngaɓa jene gə o-e le, to gə ɓebo gə boy gə o̰ dɔ mbayje gə dɔ nangə gə.

Apocalypse 17:5

ꞌƊa ri misi kara ɓida no-ɛ gə na: Babilon gə boy ko̰ jene kayaje gə nje ɗa nekɔbəje gə dɔ nangə gə.

Apocalypse 18:10

Nekəmandoo lə-a a ɗa-je ɓəəl ɗaa, d-a kɔr rɔ-je kar ngərəng ngaɓa d-a pa na: Tuji! Tuji! Əy ɓebo gə boy, Babilon, ɓebo gə njesingamongə, ꞌI le ja ngaa, mə kar gə kara ja baa ꞌgangə tar dɔ-i gə nee le!

Apocalypse 18:21

Be ɓa, anji gə njesingamongə kara un kɔr ər kara gə ɔy njing-njing to gə mbal kusu ne be, ɗaa ila mə babo gə ngaɓa pa na: Gə singa gə kara ne ja d-a kɔsə ne Babilon gə to ɓebo gə boy kila-a. D-a təl kinga-a gugu ang saar.

Apocalypse 5:2

Ɗaa m-o anji kara gə njesingamongə ila mbərə gə ndu-e gə boy na: Na ɓa asə kɔr ta mbede gə nee gə mba tuji bəngə ji gə ꞌrɛ̰ ne t-ɛ wa?