Apocalypse 17:8 - Mbede Lə Luba Kone Gə Sigi

⁸ Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Testament ke Siki 1960 (Kabba Laka)

⁸ Da nèn ke i wo to leo, ke bashénè to ang, ke nè na kï mè tòkou bwa té ke soürè goto, ke nè na kao loou kem pourou té, ke dooudjé ke isi nange té nèn ke nda ridè mè maketourou té ke tébe ang, dongor baa gòl nange nèn to, mèdè a kounda do bia ta ko da nèn mbata nè nto leo, ke bashénè nè nto ang, ke nè na dé bai.

Apocalypse 17:8 Iomraidhean Croise

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Lugu 10:20

Be ja kara, ɗaje rɔləl mba njilje gə d-ula dɔ-je d-ar-si ang, ngaa ꞌɗaje rɔləl mba Luba ɗa ri-si mə mbede gə dara.

Lugu 8:31

Ngaɓa, d-oso kul no Jeju gə ya̰ mba kar tɔbə-je um-je mə buwa wəəl gə ang.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Koula 15:18

Mbayɓe gərə neje nee le ləw-ləw baa.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

Apocalypse 11:7

Ngaɓa lo gə d-a kunda ngangə tar naji lə-je ɗaa, da gə ɔsə lo mə buwa wəl gə ce le, a ɗa gə je ɗɔ, a cɛɗə kinga-je ɗaa tɔl-je.

Apocalypse 17:11

Ngaɓa da gə ga̰ kede ɓa təl godo magə le, ye ja to gə mbay gə njekum gə ji nay joo. N-to kara lə nje gə siri le, ɗaa ꞌne n-aw gə lo tuji gə lə-a.

Apocalypse 17:2

ꞌNe le ɓa mbayje gə dɔ nangə gə d-uwa sə-a ba-ɛ ꞌto ne gə kayaje, ɗaa dəwje gə d-isi dɔ nangə gə d-ula ne rɔ-je lo kay kodo gə aw gə je mɔdə kaya gə.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.

Apocalypse 20:15

Na-na ɓa ꞌɗa ri-a mə mbede təbə gə ang ɗaa, d-ɔs-e d-ila-a dang pər gə.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 3:5

Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.