Apocalypse 17:7 - Mbede Lə Luba Kone Gə Sigi

⁷ Ngaɓa anji pa ar-m na: Mba ɗi ɓa lo tar igi-i sɛl wa? M-a pa tar nemisi lə jene je gə da gə dɔ-ɛ siri gə gaji-ɛ dɔg nee kar-i o.

Testament ke Siki 1960 (Kabba Laka)

⁷ A ange nèn pa arem, Mei ounda do bia mbata di wa? Ma ma tòdji tar ke yarè lo dènè nèn, ke lo da ke éh ke dè shiri ke gadjè dòkou ke oto dènè nèn.

Apocalypse 17:7 Iomraidhean Croise

2 Thessaloniciendjé 2:7

Singamongə lə njeneɗa gə dɔ buguru gə to lo kiya-a gə le, un kudu kula nam ngaa. Logə gə nje kuwa-a nangə le a godo ɓa n-a ɗa kula lə-a gadəmagay gə.

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 12:3

Cibi netɔji gə ɗangə kara ce mə dara gə: da kɔb gə boy kara, kasə to gə pər be, dɔ-ɛ siri ngaɓa gaji-ɛ dɔg, ɗaa jɔgə mbay siri to dɔ-ɛ gə siri gə le tɔ.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 18:1

Go-e gə ɗaa m-o anji gə ɗangə kara, ḭ dara uru nangə. N-aw gə singamongə ko̰ dɔ ne gə to ɓəəl ya̰ ngaɓa ndogo lə-a ndogo dɔ nangə gə dol-dol tɔ.