Apocalypse 17:3 - Mbede Lə Luba Kone Gə Sigi

³ Njil ɗe yiil dɔ-m gə ɗaa anji un-m aw sə-m ndag lo gə. Ɗaa m-o jene kara isi dɔ da gə kasə gə uba gaji-ɛ siri ngaɓa dɔ-ɛ dɔg, rije gə ꞌtaji ne Luba ɗusu rɔ-ɛ njḭ.

Testament ke Siki 1960 (Kabba Laka)

³ Ange ounem ao sem deo Ndil té mè kòr té, ke ma mo dènè kada ke isi do da té ke kasè, ke dousou ke ri tadji, ke dè éh shiri ke gadjè éh dòkou.

Apocalypse 17:3 Iomraidhean Croise

Matiye 27:28

ꞌTɔrə kubu rɔ-ɛ gə ngaɓa d-un kubu gə kasə gə boy yul d-ula-a.

Koula 8:39

Logə d-osə lo man ꞌce ɗaga ɗaa Njil Mbayɓe ɔr Pilibi ɔdə sə-a ar ꞌmbakudu o-e ang magə ngaa ɔdə un ɗəw lə-a gə rɔləl dɔ-ɛ gə kede.

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

Apocalypse 1:10

Dɔ ndɔ gə lə Mbayɓe ɗaa, Njil Luba ɗe yiil isi dɔ-m gə, ɗaa m-o ndu dəw ɓar go-m gə gugu ɓolong to gə kuul be,

Apocalypse 12:14

Ngaa jene le d-ar-ɛ uba bagə gera gə boy ja joo mba kar-ɛ ɔr ne bagə aw ndag lo gə, əər lo gə ɔji dɔ-ɛ, mba kar d-ul-e kəne kəm ɓal munda gə ga̰-e, əw ta kəm li gə.

Apocalypse 12:3

Cibi netɔji gə ɗangə kara ce mə dara gə: da kɔb gə boy kara, kasə to gə pər be, dɔ-ɛ siri ngaɓa gaji-ɛ dɔg, ɗaa jɔgə mbay siri to dɔ-ɛ gə siri gə le tɔ.

Apocalypse 12:6

Jene ɗaa, a̰y k-ɛ ye aw ndag lo gə, lo gə Luba ɗa ɔji dɔ-ɛ mba kar d-ar-ɛ ne kəne n-usa kəm ndɔ tɔl-tɔl dɔg lo kara gə tɔl joo gə gir-e gə dɔg misa̰.

Apocalypse 17:18

Ngaɓa jene gə o-e le, to gə ɓebo gə boy gə o̰ dɔ mbayje gə dɔ nangə gə.

Apocalypse 17:4

Jene nee le d-ula-a kubu gə kasə njir-njir ngaɓa kasə wəd-wəd, ꞌɗ-ɛ mandə gə maa, gə ərje gə gad-e ya̰ ngaɓa gə mərje. N-uwa ngo maa kay ne gə ne kayaje lə-a gə to nekɔbəje gə ne gə mina ɗusu m-e tubu.

Apocalypse 18:12

Maa ngaɓa gə lar kasə gə kobəre-kobəre gə ərje gə gad-e ya̰, gə mərje, gə kubu gə ndo̰y mələg-mələg, gə kubu gə kasə njir-njir, gə ye gə kasə wəd-wəd, gə kagə gə ba̰y-e əndə, gə neje gə ꞌɗa gə ngangə daje, gə neje gə ꞌɗa gə kagəje gə gad-e ya̰, gə mbay ngira, gə ngaw lar ngaɓa gə ər kunda kəy gə ɓar-ɛ na marəbərə;

Apocalypse 18:16

ɗaa d-a pa na: Tuji! Tuji! Ɓebo gə boy, gə d-ula-a kubu gə ndo̰y mɛl-mɛl gə ye gə kasə wəd-wəd, gə ye kasə njir-njir, gə maa gə ndole mələg-mələg gə kɔr ərje gə gadə-je ɓi-ɓi, ngaɓa gə mərje tɔ.

Apocalypse 21:10

Njil ɗe dɔ-m gə yiil ɗaa anji un-um aw sə-m dɔ ər gə boy ngaɓa ndə̰w̰ nəm, ɗaa n-tɔji-m Jerujalɛm, ɓebo gə to gə losang-ɛ gə ḭ ɓə lə Luba gə dara ur nangə.

Apocalypse 4:2

Gə ngɔdə baa, Njil uba-m pɛ uwa-m. Ɗaa m-o ngəndəng mbay kara mə dara gə, ɗaa dəw kara isi dɔ ngəndəng mbay gə nee le.