Apocalypse 17:12 - Mbede Lə Luba Kone Gə Sigi

¹² Gaji da gə dɔg gə ꞌI o le, to gə mbayje dɔg, gə d-isi dɔ ɓeko̰ gə ang ɓi, ngaa d-inga singa ko̰ dɔ ne mba kar d-o̰ ne ɓe naa gə kara baa gə da le kəm kar kara ja baa.

Testament ke Siki 1960 (Kabba Laka)

¹² Gadji da dòkou ke i wo to mbaibédjé dòkou ke inga singa ko béh ang bai, a dèdè da kinga singa ta kö béh tokou lo mbaibédjé ase kade ngadji naaté ke da ndja.

Apocalypse 17:12 Iomraidhean Croise

Apocalypse 10:11

Ɗaa ꞌpa d-ar-m na: May kar-i ila mbərə to gə ɗangə ja cibi ɔji dɔ dəw mə ɓeje, gə gəl kuji dəwje, gə ndo̰ tarje, gə mbayje bula.

Apocalypse 12:3

Cibi netɔji gə ɗangə kara ce mə dara gə: da kɔb gə boy kara, kasə to gə pər be, dɔ-ɛ siri ngaɓa gaji-ɛ dɔg, ɗaa jɔgə mbay siri to dɔ-ɛ gə siri gə le tɔ.

Apocalypse 13:1

Ɗaa m-o da kɔr kara ce mə babo gə, gaji-ɛ dɔg ngaɓa dɔ-ɛ siri tɔ; ɗaa jɔgə mbay dɔg to gaji-ɛ gə, dɔ-ɛ gə tɔ ɗaa, ri gə ꞌtaji ne Luba to kəne kara kara tɔ̰y.

Apocalypse 17:16

Ɗaa, gaji da gə dɔg gə o, gə da le, d-a njigi jene kaya le ang gə kɔrɔ, d-a tɔr ne rɔ-ɛ, kḭya̰-a kud-e dum baa. D-a kusa da kas-ɛ ngaɓa d-a ro-e gə pər tulug-tulug.

Apocalypse 18:10

Nekəmandoo lə-a a ɗa-je ɓəəl ɗaa, d-a kɔr rɔ-je kar ngərəng ngaɓa d-a pa na: Tuji! Tuji! Əy ɓebo gə boy, Babilon, ɓebo gə njesingamongə, ꞌI le ja ngaa, mə kar gə kara ja baa ꞌgangə tar dɔ-i gə nee le!

Apocalypse 18:17

Mə kar gə kara ja baa nebawje bula tuji be wa? Ɗaa njekuwa ngaw toje gə bo-bo, ꞌjeje tɔ̰y gə d-aw mba gə ɗəw gə man, gə mbɔr lo gə njeləl toje gə ꞌjejee tɔ̰y gə nekul rɔ-je ḭ mə babo gə d-ar ngərəng.

Apocalypse 18:19

D-um ꞌbaburu dɔ-je gə ɗaa d-uru ꞌkuwi gə man no gə kəm ndoo yo ꞌpa na: Tuji! Tuji! Ɓebo gə boy gə nekinga lə-a unda njetoje tɔ̰y gə ꞌnja dan may gə, ꞌje gə d-aw gə ko̰ toje dɔ babo gə le ja ngaa, mə kar gə kara ne ja baa neje godo kəne tɔ̰y ne!