Apocalypse 16:9 - Mbede Lə Luba Kone Gə Sigi

⁹ Ɗaa dəwje le, ꞌro-je gə pər gə kundu-e nunga pid-pid, ꞌjejee gə ꞌtaji ri Luba gə nje kuba singa dɔ tujije gə nee le, ɗaa ꞌmbadə turu kəji lə-je kila ne riɓar dɔ-ɛ gə.

Testament ke Siki 1960 (Kabba Laka)

⁹ Tokou loou nounga nounga dooudjé, dèdè ntadji ri Allah ke ö do né té ke are doo nèn, ke dèdè mbeté kedji né da ke madjang lodè ang, ke dòsou gadjè ang.

Apocalypse 16:9 Iomraidhean Croise

Lugu 13:3

Bənəng ang baa, m-pa m-ar-si, ngaa to gə ɓo ꞌturuje kəji lə-si ang nama, a kuyje to gə bənəng ja tɔ.

Lugu 13:5

Bənəng ang baa, m-pa m-ar-si, ngaa to gə ɓo ꞌturuje kəji lə-si ang nama, a kuyje to gə bənəng ja tɔ.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 14:7

N-pa gə ndu-e gə boy na: ꞌƁəəlje Luba ɓo ulaje rɔnduba dɔ-ɛ gə mba kar gangə tar lə-a asə nam ngaa ꞌpoloje nje ɗa dara gə nangə, gə babo gə kəm ɗəw manje.

Apocalypse 16:21

Kɔji gə boy ja ḭ dara cɛdə gə kɔrɛ-kɔrɛ gə ɔy asə kilo dɔg joo je əng bənəng toso dɔ dəwje gə, ɗaa dəwje taji Luba mba kɔji gə ila tuji dɔ-je gə, mba tuji gə nee le to ɓəəl ya̰ unda mar-ɛje tɔ̰y.

Apocalypse 2:21

M-ḭya̰ dɔ kar m-ar-ɛ mba kar n-mbəl kəji lə-a dɔ kaya gə lə-a, ɗaa n-njigi mba mbəl kəji lə-a dɔ kaya gə lə-a ang.

Apocalypse 9:20

Ɔji dɔ kɛsə dəwje gə ꞌnay ɗaa, nje gə d-uy yo tuji gə oso ang le, ꞌturu kəji lə-je ɔji dɔ kula ɗa-je ang, ꞌpolo njilje gə kṵra̰y dɔ-je gə kede-kede, magəje gə maa ose gə lar kasə, gə lar kasə gə ər ose gə kagəje gə d-asə ko lo ndɔ kara be ang nəm, ko tar ndɔ kara ang nəm ɓa, nja ndɔ kara ang nəm tɔ.