Apocalypse 16:15 - Mbede Lə Luba Kone Gə Sigi

¹⁵ A o, m-ɗe to gə nje ɓogo be. Nokarə to kar dəw gə isi kəm baa dɔ rɔ-ɛ gə ngaɓa ngom kubuje lə-a, mba nja kud-e dum ang, ngaɓa mba kar d-o lo rɔ kul lə-a ang nəm tɔ!

Testament ke Siki 1960 (Kabba Laka)

¹⁵ Wo, mao ndé tokou ndjè boukou. Madji éh ke nè ke ntibi ang, ke ngem koubou rè té, baa ta kare nao ke rè ba ang ta kare do rè ba.

Apocalypse 16:15 Iomraidhean Croise

Matiye 25:13

Jeju tɔ dɔ gusutar nee le na: Ar-je mə-si to dɔ rɔ-si gə mba ꞌgərəje dɔ ndɔ-ɛ ang nəm dɔ kar-ɛ ang nəm.

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Marəke 14:38

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang, kəji lə-si a njigi to njang ja ngaa darɔ mbɔr-ɛ gə mbɔr-ɛ.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Koula 20:31

Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

2 Corinthiendjé 5:3

to gə ɓo kəy gə dara on darɔ-si nama, d-a ko kudu-si dum ang.

1 Thessaloniciendjé 5:4

Ngaa sisəy le ɗaa, ngan ko̰-mje, isije dan londul gə ɓa ndɔ gə nee le a kuba-si nangə bus to to gə nje ɓogo be ang;

1 Thessaloniciendjé 5:6

J-a cibi to gə nje gə kɛm ang, ngaa ar-si j-isije kəm baa ngaɓa j-undaje kəm karə dɔ rɔ-si gə.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

2 Piyɛr 3:10

Ngaa ndɔ lə Mbayɓe le a ɗe to to gə nje ɓogo be. Dɔ ndɔ-ɛ le dara a nday kar kɔr-ɛ a ɓar ɓəgəgə-ɓəgəgə, pər a ro nekundaje gə ndogo dara tɔlɔg-tɔlɔg, ngaɓa nangə gə neje tɔ̰y gə to kəne d-a nday tɔ.

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.