Apocalypse 16:10 - Mbede Lə Luba Kone Gə Sigi

¹⁰ Anji gə njekum gə mi mbəl ngo nekay lə-a no ngəndəng mbay gə lə da kɔr, ɗaa londul dəbə dɔ ɓeko̰ lə-a. Ne ur ti ɗa dəwje ar d-usa ngangə-je pəgərə-pəgərə,

Testament ke Siki 1960 (Kabba Laka)

¹⁰ Ange ke mi mbel ngonarè la do ngèndé kö béh té lo da nèn, ke béh ko la ndoul toï, dooudjé ousa ndödè ke ongou.

Apocalypse 16:10 Iomraidhean Croise

Matiye 13:42

mba kum-je dan pər gə a ko̰ bilim-bilim; lo gə d-a kusa ngangəje kəne mɔr-mɔr gə man no kəm-je gə.

Matiye 13:50

mba kum-je dan pər gə a ko̰ bilim-bilim; lo gə d-a kusa ngangəje kəne mɔr-mɔr gə man no kəm-je gə.

Matiye 22:13

Be ɓa mbay pa ar ngan njekulaje na: ꞌTɔje gɔl-ɛ gə ji-a, ɗaa ila-je cil ciməri gə ɗaga, lo gə dəwje d-a no kəne gə d-a kusa ngangəje kəne mɔr-mɔr.

Matiye 24:51

ɗaa n-a tɔb-ɛ, ngaɓa n-a ɗa sə-a ne gə d-a ɗa gə njetar mulaje, n-a kila-a lo gə to lo no gə lo kusa ngangə mɔr-mɔr.

Matiye 8:12

Ngaa nganje gə ɓeko̰ gə nee le, d-a kum-je mə cil ciməri gə gə ɗaga, lo-e gə nee le d-a no gə d-a kusa ngangəje kəne pəgərə-pəgərə.

Lugu 13:28

Lo-e gə nee le, a noje ngaɓa a kusaje ngangə si kəne pəgərə-pəgərə. Ɗaa, a koje Abəraham je gə Ijagə gə Jakobo, gə pajambərəje mə ɓeko̰ gə lə Luba. Ngaa sisəy le, Luba a tɔbə-si kum-si ɗaga.

1 Piyɛr 2:17

ꞌƊɔyje dəwje tɔ̰y, ꞌnjigije ngan ko̰-si gə mə Kirisi gə, ꞌɓəəlje Luba, ilaje kuji dɔ mbay gə tɔ.

Apocalypse 11:10

Dəwje gə dɔ nangə gə nee ꞌɗa rɔləl ɔji dɔ-je, d-a ɗa ndam gə d-a kula gə nekura kar naa yo gə nee, mba pajambərəje gə joo le, d-ula kəm nje gə dɔ nangə gə nee ndoo ya̰.

Apocalypse 11:2

Ngaa tabidi kəy lə Luba gə ɗaga le ḭya̰ ar to lo kara ɓo ila ne kɔji ngal ne kəne ɔji ne ang, mba d-ula mə ji dəwje gə ꞌgərə Luba ang gəl kuji dəwje gə, mba kar ɓebo gə to gə losang-ɛ le, d-a lag-e gə gɔl-je nangə lag-lag kəm nay dɔg sɔɔ gə gir-e gə joo

Apocalypse 11:8

Nin-je a to ɗəw boo mə ɓebo gə boy gə d-unda ri-a gə ne kɔji mar-ɛ ɗəw njil gə na Sɔdom gə Ejipətə, lo-e gə ꞌɓərə Mbayɓe kagə dəsə gə kəne.

Apocalypse 17:17

Mba Luba ula ta-kəji mə-je gə mba kar ꞌɗa ne gə ꞌne n-gɔl gə mba ɗa, ne kara baa gə n-gɔl le ɓa nee: kum singamongə ɓeko̰ lə-je naa gə kara baa, mba ɗa ne kula lə da kɔr saar kar tar lə Luba aw ne lo-e gə yɛrɛrɛ.

Apocalypse 17:9

Dɔ kar gə nee le, to mba kar dəw gə negərə lə-a ga̰ nama, may kar kəm karə unja kəm-e dɔ-ɛ gə: dɔ da gə siri le, to gə dɔ ərje gə siri gə jene isi kəne, ngaɓa to gə mbayje gə siri tɔ.

Apocalypse 18:2

N-uru ꞌkuwi gə ndu-e gə boy wəl na: N-oso ngaa, n-oso ngaa, ꞌne gə Babilon gə boy le; n-təl to gə lo kisi lə ꞌSɛ̰ngərɛ̰je, lə njilje gə kṵra̰y nəm lo kinga naa lə njilje gə mina tɔ̰y ngaɓa to lo kinga naa lə əlje gə mina gə to yɛm, gə daje tɔ̰y gə to yɛm, gə baa gə nangə əng nəm tɔ.

Apocalypse 18:21

Be ɓa, anji gə njesingamongə kara un kɔr ər kara gə ɔy njing-njing to gə mbal kusu ne be, ɗaa ila mə babo gə ngaɓa pa na: Gə singa gə kara ne ja d-a kɔsə ne Babilon gə to ɓebo gə boy kila-a. D-a təl kinga-a gugu ang saar.

Apocalypse 18:23

Pər lambe kara a ndogo wə̰ ɓə lə-i ang saar gə no. Dəw a ko ndu nje jene gə sigi je gə jene lə-a hɛ̰ ɓə lə-i ang saar, mba nje laɓə neje lə-i ꞌto gə dəwje gə bo-bo gə dɔ nangə gə nee, ngaɓa mba kula ɗa mbɛ̰je lə-i ərə gəl kuji dəwje tɔ̰y ar-je ꞌndəm ne.

Apocalypse 8:12

Anji gə njekum gə sɔɔ to kuul lə-a ɗa dəbə kar gə ꞌkay dana lo munda, gə dəbə nay gə ꞌkay dana lo munda, gə dəbə ndɛ̰ndərɛ̰ndɛ̰je gə ꞌkay-je dana lo munda le ꞌtuji-je pugudu. Dəb-eje gə ɓe kara ndogo ang magə. ꞌKay lokarə dana ɓe munda ɗaa dəb-e gə ɓe kara unda mburugu ngaɓa londul kara to gə bənəng tɔ.

Apocalypse 9:2

Ndɛ̰ndərɛ̰ndɛ̰ le ɔr ta buwa wəl gə sṵra̰-a godo ɗa sə-a pər ce kəne ta naa gə sa pər gə o̰ bilim-bilim be, ɗa udu kəm kar gə kəm ləl libi.