Apocalypse 15:7 - Mbede Lə Luba Kone Gə Sigi

⁷ Kara horo nekundaje gə d-aw kəm baa gə sɔɔ ar anjije gə siri ngo nekay maaje siri. Wungu lə Luba gə nje kisi gə ndɔ gə ndɔ ɗusu mə ngoje le tubu.

Testament ke Siki 1960 (Kabba Laka)

⁷ Kada lo dadjé ke tébe sò are angedjé shiri nèn ngonarè shiri ke dousou ke ongou lo Allah, nè ke nisi tébe ke ndò ke ndò.

Apocalypse 15:7 Iomraidhean Croise

1 Thessaloniciendjé 1:9

ꞌPa tar ɔji dɔ sijee na, pa kuwa mba gə uwaje-si le gar-ɛ godo, ngaɓa to gə ban ja ɓa ꞌmbəlje ne kəji lə-si ar-je Luba, ngaɓa ꞌmbadəje magəje ɗaa ꞌtəl ɗaje ne kula lə Luba gə tɔgərɔ gə nje kisi kəm baa,

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.

Apocalypse 10:6

ɗaa uwa naji gə ri dəw gə isi kəm baa gə ndɔ gə ndɔ, ye gə ɗa dara gə neje tɔ̰y gə to kəne, dɔ nangə gə neje tɔ̰y gə to kəne, babo gə neje tɔ̰y gə to kəne: d-a kila ndɔ gə ɗangə ang ngaa.

Apocalypse 14:10

ne kara n-a kay kodo wungu lə Luba gə d-a kay mə ngo nekay wungu lə-a gə lal kal bodo. Ɗaa n-a ko ꞌməsərə dan pər gə ngaɓa dan sori gə ta kəm anjije gə njerɔsangəje gə gə ta kəm ngon badəm gə.

Apocalypse 15:1

Cibi, m-o netɔji gə ɗangə gə bo ngaɓa to ɓəəl ya̰ mə dara gə; anjije siri d-uwa tujije gə gə bo̰ siri ji-je gə, mba Luba ɓugu wungu lə-a ɗəw gə lə-je.

Apocalypse 16:2

Anji gə dɔngɔr aw mbəl wungu gə mə ngo nekay lə-a dɔ nangə gə ɗaa, do gə ole pu-pu gə kṵra̰y ngaɓa ole pu-pu oso dɔ dəwje gə ndaji da kɔr to rɔ-je gə, ngaɓa ꞌpolo njil-e.

Apocalypse 17:1

Be ɓa kara lə anjije gə siri gə d-uwa ngo nekay gə siri ngɛsə gə kede ɗaa pa tar to gə be ar-m na: ꞌƊe, m-a tɔji-i tar gə ꞌgangə dɔ ko̰ kaya jene gə isi dɔ baboje gə.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Apocalypse 5:8

Lo gə n-ta mbede le ɗaa, daje gə sɔɔ gə bubaje gə dɔg joo gə gir-je gə sɔɔ d-unda ꞌburamba no ngon badəm gə. Na-na kara uwa konde gə ngo nekay gə to gə maa gə ba̰y kəndə mambo̰ ɗusu tubu ji-a gə, tɔji dəjije lə njerɔsangəje.