Apocalypse 15:4 - Mbede Lə Luba Kone Gə Sigi

⁴ Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.

Testament ke Siki 1960 (Kabba Laka)

⁴ Na a bel ke a kòsou gadji ri ang wa, O Mbaibé Seigneur? Mbata i kadaba to madji toï. Gel dooudjé toï a dé ke da wali, Mbata gange saria loi téh daka mbä.

Apocalypse 15:4 Iomraidhean Croise

Romaindjé 15:9

ngaa dəwje gə ꞌto Jiibije ang ɗaa ꞌpidi Luba mba məmay lə-a, to gə ꞌɗa ne mə mbede gə na: Gəl-e gə nee ɓa m-a pa tar lə-i ɓolong horo gəl kuji dəwje gə, Ngaɓa m-a kɔsə pa ɗɔy ne ri.

1 Piyɛr 1:16

mba ꞌɗa mə mbede gə na: A toje gə losang-ɛ mba ꞌma kara m-to gə losang-ɛ tɔ.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 14:7

N-pa gə ndu-e gə boy na: ꞌƁəəlje Luba ɓo ulaje rɔnduba dɔ-ɛ gə mba kar gangə tar lə-a asə nam ngaa ꞌpoloje nje ɗa dara gə nangə, gə babo gə kəm ɗəw manje.

Apocalypse 16:5

Cibi, m-o ndu anji gə man pa na: ꞌTo dəw gə gadə-gadə, ꞋI gə ꞌga̰ ngaɓa ꞌga̰ kede ləw baa, ꞌI, Njerɔsangə, mba to gə be ɓa ꞌgangə ne tar.

Apocalypse 16:7

Cibi, m-o ndu ḭ no kɔgə pa na: Oyo, Mbayɓe Luba, Njesingamongə, tarje gə ꞌgangə le, ꞌgangə tɔgərɔ, ngaɓa ꞌgangə gadə-gadə ja.

Apocalypse 19:2

mba tar gangəje lə-a tɔgərɔ ngaɓa dana gadə-gadə nəm tɔ. N-gangə tar dɔ jene kaya gə boy gə nje tuji dɔ nangə gə kaya ɗa lə-a, ngaɓa n-dal ba̰a̰ məsə ngan lokisije lə-a gə um nangə ɗəw gə lə jene kaya le tɔ.

Apocalypse 19:8

Cibi d-un ɗəw d-ar-ɛ gə mba kar n-ula kubu gə ndo̰y mələg-mələg ngaɓa arə ngadə, mba kubu gə ndo̰y mələg-mələg le, to gə kula ɗaje gə gadə-gadə lə njerɔsangəje.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 6:10

D-uru ꞌkuwi gə ndu-je gə boy na: Saar ndɔ gə ɗa gə ja ɓa, ꞌɓəə neje, njerɔsangə gə dəw gə gadə-gadə, saar ndɔ gə ɗa gə ja ɓa kur-i a kəw gə mba kar-i ꞌgangə tar, gə ꞌdal ba̰a̰ məsə-sije dɔ dəwje gə dɔ nangə gə nee le wa?