Apocalypse 15:3 - Mbede Lə Luba Kone Gə Sigi

³ D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Testament ke Siki 1960 (Kabba Laka)

³ Dèdè dòsou pa lo Moïse, ngonlokisi lo Allah, ke pa lo Ngon bati, mpana, Koula loi to tòkou boui ke are mè dooudjé ounda dò bia, O Mbaibé Allah ndjè singa mongou, Deo loi to gaté gaté ke tokoro, O Mbaibé lo gel dooudjé.

Apocalypse 15:3 Iomraidhean Croise

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

Ebərəje 3:5

Ye gə ɔji dɔ Moyiji le ɗaa, Moyiji to njekula gə gadə-gadə mə kəy gə lə Luba tɔ̰y gə mba ɗa ne tar naji lə ne gə Luba ila mbər-e.

Apocalypse 1:8

Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 11:17

na: J-a ɗa-i oyo, Mbayɓe Luba gə njesingamongə gə dum dɔ lo, gə ga̰, gə ga̰ kede ləw baa, mba ꞌtɔji singamongə lə-i gə bo ya̰, ngaɓa o̰ ɓe nəm tɔ.

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 14:8

Cibi Anji gə ɗangə kara gə njekum gə joo, ore go ye gə kede ɗaa pa na: Ɓɛlɛ ngaa, n-tuji pugudu ngaa, n-tuji pugudu ngaa, ꞌne gə Babilon gə boy, gə njekula kodo wungu lə-a mɛr-mɛr mə gəl kujije gə tɔ̰y kum neje dan kaya gə le.

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 19:16

ꞌƊa ri kara kubu gə lə-a ngaɓa dɔ bingi-e gə na: Mbay lə mbayje ngaɓa Mbayɓe lə mbayɓeje.

Apocalypse 19:2

mba tar gangəje lə-a tɔgərɔ ngaɓa dana gadə-gadə nəm tɔ. N-gangə tar dɔ jene kaya gə boy gə nje tuji dɔ nangə gə kaya ɗa lə-a, ngaɓa n-dal ba̰a̰ məsə ngan lokisije lə-a gə um nangə ɗəw gə lə jene kaya le tɔ.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.