Apocalypse 15:2 - Mbede Lə Luba Kone Gə Sigi

² Ɗaa m-o ne gə ta naa gə babo gə arə kə̰rə̰rə̰ to gə ər gə ndɔ̰y be, polo naa gə pər, ngaɓa nje gə ꞌcɛdə ɗɔ da kɔr, gə ndaji lə-a ngaɓa gə kɔr ne gə ta ri-a gə, d-ar taar dɔ babo gə, gə arə kə̰rə̰rə̰ to gə ər gə ɓar-ɛ kirisital. D-uwa konde lə Luba ji-je gə.

Testament ke Siki 1960 (Kabba Laka)

² Ke ma mo né tokou tòkou man verre ke mpolè ke pourou, ke dèdè ke ndai da nèn ke make la ke né toura ria ke singa, darr mbòr tòkou man verre té, ke kondé lo Allah djidè té.

Apocalypse 15:2 Iomraidhean Croise

Matiye 3:11

ꞌMa m-ɗa-si batɛm mə man gə, ɔji dɔ turu kəji, ngaa dəw gə njekore go-m le singamong-ɛ nday-m, ngaɓa m-asə kɔr sabɔgɔ gɔl-ɛ gə ang. ꞌNe ɓa n-a ɗa si batɛm lə Njil Njerɔsangə gə pər.

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

1 Piyɛr 4:12

Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 13:1

Ɗaa m-o da kɔr kara ce mə babo gə, gaji-ɛ dɔg ngaɓa dɔ-ɛ siri tɔ; ɗaa jɔgə mbay dɔg to gaji-ɛ gə, dɔ-ɛ gə tɔ ɗaa, ri gə ꞌtaji ne Luba to kəne kara kara tɔ̰y.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 13:17

Ɗaa dəw kara be kara a kasə ɗabə ne ose ndogo ne to gə ɓo ndaji godo rɔ-ɛ gə, ri da kɔr le ose kɔr ri-a.

Apocalypse 21:18

Neje gə d-unda ne ndogo bɔrɔ le to gə ər gə ɓar-ɛ na jasəpə, ɗaa ɓebo to gə darɔ maa gə arə ngadə, asə naa gə ər gə to wə̰rə̰-wə̰rə̰ gə arə ngadə tɔ.

Apocalypse 4:6

No ngəndəng mbay gə le, ne to kəne ta naa gə babo gə arə kə̰rə̰rə̰ to gə ər gə ɓar-ɛ kirisital be. Dan ngəndəng mbay gə dana, gə gir-e gə kɔr-kɔr le, daje sɔɔ gə d-uba kəm-je no-je gə kede nəm gugu nəm njḭ d-isi kəne.

Apocalypse 5:8

Lo gə n-ta mbede le ɗaa, daje gə sɔɔ gə bubaje gə dɔg joo gə gir-je gə sɔɔ d-unda ꞌburamba no ngon badəm gə. Na-na kara uwa konde gə ngo nekay gə to gə maa gə ba̰y kəndə mambo̰ ɗusu tubu ji-a gə, tɔji dəjije lə njerɔsangəje.