Apocalypse 14:6 - Mbede Lə Luba Kone Gə Sigi

⁶ M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Testament ke Siki 1960 (Kabba Laka)

⁶ Gè té nèn, ma mo mare ange ao dan dara té, néh ke tar ke madji ke ke ndò ke ndò, ta pa kare dèdè ke disi do nange té, béh toï, gel dooudjé toï, ke ta dang dang toï, ke dooudjé toï.

Apocalypse 14:6 Iomraidhean Croise

Matiye 10:27

ngaɓa ne kara gə ꞌdəbə dɔ-ɛ gə d-a kḭya̰ dɔ-ɛ ngaw kar gadə gə ang le godo. Tar gə m-pa londul gə m-ar-si nama, ꞌpaje dan kara, ngaɓa ye gə m-wɛdə mbi-si gə nama, ubaje dɔ kəy ɓa ilaje ne mbərə.

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

1 Piyɛr 1:25

Ngaa tar lə Mbayɓe to saar-saar gə no. Tar gə nee le ja ɓa to Tar gə May gə d-ila mbər-e d-ar-si.

Apocalypse 10:11

Ɗaa ꞌpa d-ar-m na: May kar-i ila mbərə to gə ɗangə ja cibi ɔji dɔ dəw mə ɓeje, gə gəl kuji dəwje, gə ndo̰ tarje, gə mbayje bula.

Apocalypse 10:7

Ngaa mə ndɔje gə anji gə njekum gə siri a to kuul ɗaa, ye əng ɓa nemisi lə Luba a kaw lo-e gə yɛrɛrɛ, gə go Tar gə May gə n-pa n-ar njekulaje lə-a gə ꞌto gə pajambərəje.

Apocalypse 13:7

D-un ɗəw d-ar-ɛ kar n-ɗa ɗɔ gə njerɔsangəje n-cɛdə-je ɗɔ, ngaɓa d-ar-ɛ singamongə ko̰ dɔ gəl ka tɔ̰y, gə dɔ dəw mə ɓeje tɔ̰y, gə dɔ ndo̰ tar tɔ̰y, gə dɔ gəl kuji tɔ̰y tɔ.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.

Apocalypse 8:13

Be ɓa m-a lo ɗaa m-o ndu gera gə ḭ bagə midi-midi mə dara gə taar ɗa ne gə ndu-e gə boy na: Tuji! Tuji! Tuji to ɔji dɔ dəwje gə dɔ nangə gə nee, mba ndu kuulje lə anjije gə munda gə a ꞌɓar le ja cibi!