Apocalypse 14:4 - Mbede Lə Luba Kone Gə Sigi

⁴ To gə nje gə ꞌrɔgə rɔ-je yoro gə ɔji dɔ sangə jeneje ang, ꞌgərə jene ang ɓi. Nje gə kən le d-um mə-je dɔ Jeju gə jəb-jəb dɔ ɗəw nja gə lə-a. Nje gə kən le d-uga dɔ-je horo dəwje gə asə naa gə kandə neje gə dɔngɔr gə ɔji dɔ Luba ngaɓa ɔji dɔ ngon badəm tɔ.

Testament ke Siki 1960 (Kabba Laka)

⁴ Yèn to dèdè ke nda ròdè madjang deo té lo dènèdjé ang, mbata dèdè nto ngamandédjé. Yèn to dèdè ke dao go Ngon bati té loou toï ke nao kendé. Dèdè dadjidè ke horo dooudjé té tokou lo kandé ke dongor mbata Allah ke mbata Ngon bati.

Apocalypse 14:4 Iomraidhean Croise

Matiye 19:12

Mba dəwje gə kɛm le ꞌto mbakuduje mə ko̰-jeje gə nam ɓa d-uji-je ne to gə be, nje gə dəwje ɓa təl-je mbakuduje ngaɓa nje gə ye-je ja təl darɔ-je gə mbakuduje mba ɓeko̰ gə dara. Dəw gə asə njigi go tar gə nee le nama njigi.

Matiye 25:1

Be ɓa ɓeko̰ gə Luba le a to ɗəw kara baa gə ꞌmbakumje gə dɔg gə d-odo lambeje lə-je cila ꞌne kəm nje jene.

Matiye 8:19

Be ɓa njekɔr gəl torondu kara ɗe inga-a pa ar-ɛ na: Njenetɔji, aw gə ɗa ja kara m-a kaw sə-i.

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 13:37

Piyɛr təl dəji-e ɓi na: Mbayɓe, mba ɗi ɓa m-a kasə ndole go-i ɓisine ang wa? M-a kḭya̰ rɔ-m yag kar yo mba tar lə-i.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

1 Corinthiendjé 16:15

Ngan ko̰-mje, m-un ndu m-ar-si ja cibi. ꞌGərəje to gə nje gə mə kəy gə lə Sətepanas ꞌto dɔngɔr njetakagəje gə Akayi, ngaɓa d-un rɔ-je ꞌɗa ne kula d-ar njerɔsangəje.

1 Corinthiendjé 6:20

Mba ꞌndogo-si gə ne ndogo gə gad-e al dɔ lo. Ɗaa may kar unje darɔ-si ulaje ne rɔnduba dɔ Luba gə.

1 Corinthiendjé 7:28

To gə ɓo ꞌta jene nama to neɗa gə kṵra̰y ang ngaɓa to gə ɓo ngon mandə ta ngaw kara to neɗa gə kṵra̰y ang tɔ; ngaa dəb-eje nee le d-a ko ꞌməsərə ɗəw darɔ gə, ɗaa m-njigi kɔsə dɔ sisəy gə gə ɗangə.

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 5:27

mba tɔji ne mbo̰ naa lə njetakagəje gə ɗaga kar-ɛ ndole yondə-yondə ta kəm-e ꞌne gə ja, kar-ɛ n-mina ose n-ndole njɔl-njɔl ang nəm, ose mba kar ne gə to gə mar-ɛ bənəng ɓar ri-a ang nəm tɔ. Ngaa mba kar-ɛ n-to gə losang-ɛ ngaɓa kar tar uwa dɔ-ɛ ang nəm tɔ.

1 Timoce 4:3

D-ɔgə dəwje lo ta naa gə jingaw gə jene, d-ɔgə kar d-usa neje gə kɛm, nekusaje tɔ̰y nee le Luba ja ɗa. A ɓo, njetakagəje gə gərə tar gə tɔgərɔ tɔr nduje dɔ-ɛ gə nama d-a kusa gə oyo.

Ebərəje 12:23

andəje lo mbo̰ naa gə lə ngan dərje gə d-unda rije mə dara gə, ar-je rɔ Luba gə nje gangə tar dɔ dəwje gə tɔ̰y, gə dɔ njil dəwje gə Luba oje gadə-gadə gə ꞌɗe gə dəwje gə may pɛdə.

Jacques 1:18

Mə njigi lə-a ɓa n-uji ne si gə go ɗəw tar gə tɔgərɔ, mba kar j-a to neje gə dɔngɔr horo nekundaje gə lə-a (dɔngɔr nekundaje gə Mbede pa le uji dɔ takagə Jeju ose Luba).

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 21:22

Mə ɓebo gə nee le m-o kəy lə Luba kəne ang, mba Mbayɓe Luba gə njesingamongə je gə ngon badəm ja ꞌto gə kəy gə kəne.

Apocalypse 21:23

Ɓebo le aw ndoo kar ang nəm, gə nay ɓa kar ndogo kəne ang nəm tɔ. Mba ndogo lə Luba ja ndogo kəne ngodə-ngodə, ngaɓa ngon badəm ja to gə lambe lə-a tɔ.

Apocalypse 3:4

Ngaa, Sarədə gə le, dəwje lə-i gə kɛm, gə kubu lə-je uwa yoro ang ꞌga̰ kəne əng. D-a dan-m, gə kubu lə-je gə nda mba ꞌje d-asə ja.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.