Apocalypse 14:10 - Mbede Lə Luba Kone Gə Sigi

¹⁰ ne kara n-a kay kodo wungu lə Luba gə d-a kay mə ngo nekay wungu lə-a gə lal kal bodo. Ɗaa n-a ko ꞌməsərə dan pər gə ngaɓa dan sori gə ta kəm anjije gə njerɔsangəje gə gə ta kəm ngon badəm gə.

Testament ke Siki 1960 (Kabba Laka)

¹⁰ Nè na kaih vin ongou lo Allah to, ke mbel ngonarè ongou té la ke mpolè ang, nè na ko ndoo mè pourou té ke koundou sa no angedjé té ke madji toï, ke no Ngon bati té.

Apocalypse 14:10 Iomraidhean Croise

Matiye 20:22

Jeju təl ila kəne na: Ne gə ꞌdəjije le ꞌgərəje ang. Ne kay ꞌməsərə gə m-a kay le a kasə kayje ja tɔ wa? D-ila-a kəne na: J-a kasə ja.

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Matiye 26:39

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

Marəke 8:38

Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Marəke 9:44

Lo gə dongəro̰ gə kəne uy ndɔ kara ang nəm ngaɓa pər gə kəne kara ṵy ndɔ kara ang nəm tɔ.

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

2 Thessaloniciendjé 1:7

Ngaɓa sisəy nje ko ꞌməsərəje, n-a kar-si lo kuwa kɔr naa gə kara baa gə sijee, logə Mbayɓe Jeju a kḭ dara gə anjije lə-a gə to njesingaje,

Jude 1:7

Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.

Apocalypse 15:7

Kara horo nekundaje gə d-aw kəm baa gə sɔɔ ar anjije gə siri ngo nekay maaje siri. Wungu lə Luba gə nje kisi gə ndɔ gə ndɔ ɗusu mə ngoje le tubu.

Apocalypse 16:19

ꞌGangə ɓebo gə boy le dana lo munda. Ɓeboje lə dəwje gə ꞌto gə Jiibije ang d-unda nangə mburugu. Ɗaa mə Luba ole dɔ Babilon gə boy, mba kar-ɛ ngo kay kodo wungu lə-a gə ḭ pu-pu.

Apocalypse 18:3

Mba gəl kujije tɔ̰y d-ay kodo wungu kaya lə-a; mbayje gə dɔ nangə gə d-uwa sə-a baa kaya, ngaɓa nje laɓə neje gə dɔ nangə ꞌto ne njenekingaje ɗew singamongə nemayje lə-a.

Apocalypse 18:6

Lar lə-a gə n-uga ne ja ugaje ne dɔ ji-a, ꞌtəlje gə kula ɗ-ɛje le bəngə mar-ɛ gə gɔl joo ar-eje. Mə ngo nekay gə n-kal bodo kodo lə-a kəne le n-ar d-ay le, ꞌkalje bodo kəne, bəngə mar-ɛ gə gɔl joo ar-eje.

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 20:14

Yo je gə lo gə jabaw le, ꞌtəbə-je kərəng d-umje dang pər gə. Dangə pər nee le ɓa to gə yo gə njekum gə joo.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.