Apocalypse 13:8 - Mbede Lə Luba Kone Gə Sigi

⁸ Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Testament ke Siki 1960 (Kabba Laka)

⁸ Dèdè toï ke disi nange da walè, dèdè kada kada toï ke nda ridè baa gòl nange nèn to mè maketourou tébe té lo Ngon bati ang, nè ke ntòlè.

Apocalypse 13:8 Iomraidhean Croise

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Lugu 10:20

Be ja kara, ɗaje rɔləl mba njilje gə d-ula dɔ-je d-ar-si ang, ngaa ꞌɗaje rɔləl mba Luba ɗa ri-si mə mbede gə dara.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Philippiendjé 4:3

Ngaɓa ꞌi kara, ꞌto nje baa kula gə ila kuji ɗaa m-dəji-i mba kar ꞌla gə je, ꞌto jeneje gə d-ila kudu-m gə d-ar m-ɗɔ ne mba Tar gə May, gə Kɛləma je gə nje baa kulaje lə-m gə kɛm gə ri-je to mbede təbə gə.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Apocalypse 12:15

Ɗaa li tomɛ man gə t-ɛ tɔlɔlɔ-tɔlɔlɔ uwa ne go jene, to gə man baa be mba kar man gə tomɛ le uwa-a aw sə-a.

Apocalypse 13:12

N-ɗa kula gəl da gə dɔngɔr gə, gə ɗəw singa ko̰ dɔ neje tɔ̰y gə ar-ɛ. N-ɗa n-ar dəwje tɔ̰y gə d-isi dɔ nangə nee ꞌpolo da gə dɔngɔr gə inga do asə kar-ɛ uy ɓa do lə-a təl ərə kəgəsə le.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 21:27

Ne gə mina kara be kara a kandə mə ɓe gə ne wɔr ang nəm, dəw gə nje ɗa nekɔbə gə njepatar gə ɗəgərə kara be kara a kandə kəne ang nəm tɔ, ngaa nje gə ꞌɗa ri-je mə mbede təbə gə lə Ngon badəm ja kara baa.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 3:20

A o, m-ar ta kəy gə, m-unda ta kəy, dəw gə o ndu-m ɓa ɔr ta kəy ɗaa, m-a kandə kəy lə-a, m-a kusa sə-a ne ngaɓa ye a kusa sə-m ne tɔ.

Apocalypse 3:5

Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.

Apocalypse 5:12

ꞌPa gə ndu-je gə boy na: Ngon badəm gə d-uja məs-e le asə mba kinga singamongə, gə nekinga, kəm karə, singa, ɗɔy, riɓar gə ndu tɔr.

Apocalypse 5:13

Ɗaa nekundaje tɔ̰y ja gə mə dara gə, gə dɔ nangə, gə gəl nangə gə, ngaɓa babo gə neje tɔ̰y gə to kəne le, m-o ndu-je ꞌpa na: Dəw gə isi dɔ ngəndəng mbay gə je gə Ngon badəm le ndu tɔr, ɗɔy, riɓar gə ko̰ ɓe to kar-je, gə ndɔ gə ndɔ.

Apocalypse 6:1

Ngaɓa m-a lo ɗaa m-o, lo gə Ngon badəm ɔr bəngə ji dɔngɔr to kəne horo nje gə siri gə ɗaa, m-o ndu dɔngɔr nekunda gə aw kəm baa horo nje gə sɔɔ gə le, pa gə ndu-e gə ɓar wəəl to gə nji gə ndangə be na: ꞌƊe.