Apocalypse 13:7 - Mbede Lə Luba Kone Gə Sigi

⁷ D-un ɗəw d-ar-ɛ kar n-ɗa ɗɔ gə njerɔsangəje n-cɛdə-je ɗɔ, ngaɓa d-ar-ɛ singamongə ko̰ dɔ gəl ka tɔ̰y, gə dɔ dəw mə ɓeje tɔ̰y, gə dɔ ndo̰ tar tɔ̰y, gə dɔ gəl kuji tɔ̰y tɔ.

Testament ke Siki 1960 (Kabba Laka)

⁷ Darè ta da doo ke ndjè ko mè tédjé ke ta ndaidè ke singa, darè singa do gel dooudjé té toï, ke dooudjé toï, ke ta dang dang toï, ke nange toï.

Apocalypse 13:7 Iomraidhean Croise

Lugu 4:6

Ɗaa n-pa n-ar-ɛ na: M-a kar-i singa ko̰ dɔ ɓeko̰je ne tɔ̰y ngaɓa gə riɓar lə-je tɔ, mba d-iya̰ mə ji-m gə, dəw gə mə-m njigi ja nama m-ar-ɛ.

Jean 19:11

Jeju ila kəne na: To gə ɓo Luba iya̰ ɗəw ar-i ang nama, a kaw gə singamongə dɔ-m gə kara ang baa. Be ɓa, dəw gə uwa-m ila-m ji-i gə le, tar neɗa gə kṵra̰y gə to ɓəəl ya̰ a kuwa dɔ-ɛ kunda-i.

Apocalypse 10:11

Ɗaa ꞌpa d-ar-m na: May kar-i ila mbərə to gə ɗangə ja cibi ɔji dɔ dəw mə ɓeje, gə gəl kuji dəwje, gə ndo̰ tarje, gə mbayje bula.

Apocalypse 11:18

Ɗaa, wungu ɗa dəwje gə ꞌgərə Luba ang gəl kuji dəwje gə, ngaa to gə wungu lə-i ɓa ɗe. To dɔ kar gangə tar dɔ nje gə d-uy gə, dɔ kar kuga ne dɔ ji lə ɓərə kulaje gə to gə pajambərəje gə njerɔsangəje gə nje ɓəəl ri-ije, nganje gə naa gə dəwje gə tɔgə, dɔ kar tuji gə ɔji dɔ nje gə ꞌtuji dɔ nangə nee.

Apocalypse 11:7

Ngaɓa lo gə d-a kunda ngangə tar naji lə-je ɗaa, da gə ɔsə lo mə buwa wəl gə ce le, a ɗa gə je ɗɔ, a cɛɗə kinga-je ɗaa tɔl-je.

Apocalypse 12:17

Wungu ɗa da kɔb dɔ jene gə ɗaa ɔdə aw ila ɗɔ dɔ kɛsə ngan ka jene gə, nje gə d-ila kuji dɔ toronduje gə lə Luba ngaɓa ꞌngom tar naji lə Jeju.

Apocalypse 17:15

Cibi n-pa n-ar-m na: Man bo gə o gə jene kaya isi dɔ-ɛ gə le, to gə dəw mə ɓeje, gə bula dəwje, gə gəl kuji dəwje, gə ndo̰ tarje.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.