Apocalypse 13:14 - Mbede Lə Luba Kone Gə Sigi

¹⁴ N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Testament ke Siki 1960 (Kabba Laka)

¹⁴ Deo né tòdjou té ke darè ta da nò da té, nè nere dooudjé ke isi do nange té, nè mpa naredè ta da make mbata da nèn ke inga doo kiaa ke isi tébe bai.

Apocalypse 13:14 Iomraidhean Croise

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:1

Ɗaa m-o da kɔr kara ce mə babo gə, gaji-ɛ dɔg ngaɓa dɔ-ɛ siri tɔ; ɗaa jɔgə mbay dɔg to gaji-ɛ gə, dɔ-ɛ gə tɔ ɗaa, ri gə ꞌtaji ne Luba to kəne kara kara tɔ̰y.

Apocalypse 13:15

D-un ɗəw d-ar-ɛ n-ula kəm mə ndaji da kɔr gə le, n-ar-ɛ pa tar, mba kar na-na ɓa gə pol-e ang nama n-tɔl-ɛ.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 14:11

Kəm ndoo lə-je le sa pər uba ngug-ngug gə ndɔ gə ndɔ, lo kuwa kɔr-je godo dan kara gə londul gə, nje gə ꞌpolo da kɔr gə ndaji-ɛ, na-na gə d-unja ndaji ri-a rɔ-ɛ gə.

Apocalypse 14:9

Anji gə ɗangə kara gə njekum gə munda ore go-je ɗaa pa gə ndu-e gə boy wəəl na: To gə ɓo dəw gə polo da le gə ndaji-ɛ, a to gə ɓo d-ɔsə ndaji-ɛ ɓida no-ɛ gə ose dabəla ji-a gə nama

Apocalypse 15:2

Ɗaa m-o ne gə ta naa gə babo gə arə kə̰rə̰rə̰ to gə ər gə ndɔ̰y be, polo naa gə pər, ngaɓa nje gə ꞌcɛdə ɗɔ da kɔr, gə ndaji lə-a ngaɓa gə kɔr ne gə ta ri-a gə, d-ar taar dɔ babo gə, gə arə kə̰rə̰rə̰ to gə ər gə ɓar-ɛ kirisital. D-uwa konde lə Luba ji-je gə.

Apocalypse 16:13

Cibi, m-o njilje gə kṵra̰y munda gə ꞌta naa gə gɛ̰je be ꞌce ta da kɔb gə, gə ta da kɔr gə ngaɓa gə ta pajambərə gə gə mbɔr-ɛ baa nəm tɔ.

Apocalypse 16:2

Anji gə dɔngɔr aw mbəl wungu gə mə ngo nekay lə-a dɔ nangə gə ɗaa, do gə ole pu-pu gə kṵra̰y ngaɓa ole pu-pu oso dɔ dəwje gə ndaji da kɔr to rɔ-je gə, ngaɓa ꞌpolo njil-e.

Apocalypse 18:23

Pər lambe kara a ndogo wə̰ ɓə lə-i ang saar gə no. Dəw a ko ndu nje jene gə sigi je gə jene lə-a hɛ̰ ɓə lə-i ang saar, mba nje laɓə neje lə-i ꞌto gə dəwje gə bo-bo gə dɔ nangə gə nee, ngaɓa mba kula ɗa mbɛ̰je lə-i ərə gəl kuji dəwje tɔ̰y ar-je ꞌndəm ne.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.