Apocalypse 12:9 - Mbede Lə Luba Kone Gə Sigi

⁹ D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Testament ke Siki 1960 (Kabba Laka)

⁹ Dare tòkou li nèn oso, li ke leo ke mmarè Esou ke Satan, nè ke nto ndjè kere ke nange nèn toï, dilè nange ke angedjé la sa tò.

Apocalypse 12:9 Iomraidhean Croise

Matiye 13:39

njeba̰a̰ gə dubu waa da̰w lə to ꞌSɛ̰ngərɛ̰; nay kunja ko le to ɗudu ndɔ gə dɔ nangə nee; njekunja koje le to anjije.

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Matiye 4:1

Be ɓa Njil Luba aw gə Jeju ndag lo gə, mba kar ꞌSɛ̰ngərɛ̰ ɗe n-ɛ.

Matiye 4:10

Jeju pa ar-ɛ na: ꞌSu ɔdə gə ɗangə! Mba ꞌɗa mə mbede gə na: ꞋI a polo Mbayɓe, Luba lə-i, ngaɓa ꞌne ja gə kar-ɛ baa ɓa a kun rɔ-i kar-ɛ.

Matiye 4:5

Cibi ꞌSɛ̰ngərɛ̰ ɔr-ɛ aw sə-a mə ɓe gə Jerujalɛm gə to ɓe gə to gə losang-ɛ, aw ila dɔ sam kəy gə lə Luba

Matiye 4:8

ꞌSɛ̰ngərɛ̰ ɔr-ɛ aw sə-a dɔ ər gə ndəw ya̰ ɓa tɔj-ɛ ɓeko̰je tɔ̰y gə dɔ nangə nee gə nemayje gə kəne,

Lugu 10:18

Jeju pa ar-je na: Oje gə maj-ɛ ɓa! M-o ꞌSu ce pir to gə təl lə nji be dɔ-ɛ gə nangə əng.

Lugu 13:16

Ngaɓa jene gə nee le, to ngon ka Abəraham, ꞌSu uwa ɗug-e asə ɓal dɔg gə gir-e gə ji nay joo ngaa nee ja, to may mba tud-e kila-a taar gə ndɔ kuwa kɔr ang wa?

Lugu 22:3

Ɗaa ꞌSu andə mə Judas gə ri-a na Isikariyɔdə gə to kara lə nje gə dɔg gə gir-je gə joo le,

Lugu 22:31

Simo, Simo, a o, ꞌSu naji-si gə mba rundu-si to gə jene rundu ne waa mə bḭḭ gə be.

Lugu 8:12

Kandə kər gə um mbɔr ɗəw boo njal-njal le, to dəwje gə d-o tar ɗaa, ꞌSɛ̰ngərɛ̰ ɗe ɔr tar gə d-o le mə-je gə ɗɔdə mba kɔgəje mba kar ꞌta kagə nəm gə d-aji nəm tɔ.

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 16:11

ɔji dɔ gangə tar ɗaa ngon mbay gə dɔ nangə gə nee le, ꞌgangə tar dɔ-ɛ gə ngaa.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 5:3

Be ɓa Piyɛr pa ar Ananiyas na: Mba ɗi ɓa ꞌSu ta mə-i ar-i ꞌpa tar gə ɗəgərə ar Njil Njerɔsangə ngaɓa ɔr dəbə lar lo le iya gə go ji-i wa?

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

Romaindjé 16:20

Be ɓa Luba gə to ngira ɗɛgɛgɛ le, a tɔ dɔ ꞌSu ɓisine baa kar ꞌnjaje dɔ-ɛ gə. May kar mənuji lə Mbayɓe lə-sijee Jeju nay gə si!

2 Corinthiendjé 11:14

Ngaɓa to ne gə sigi ang, mba ꞌne ꞌSu ja kara n-aw lom rɔ-ɛ gə anji gə lokarə gə.

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 12:7

Ngaa mba kar m-ɔsə rɔ-m ɔji dɔ neje gə may ya̰ gə ꞌkila gəl-e d-ar-m le ang ɗaa, d-ula rɔko̰ kara rɔ-m gə, gə ngon njekula lə ꞌSu mba kar tɔsə-m təbə taar-taar mba kar m-ɔsə nee rɔ-m ang.

2 Corinthiendjé 2:11

mba kar ꞌSu uba singa dɔ sijee gə ang, sijee le ja gərə kula ɗ-ɛ som.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

2 Thessaloniciendjé 2:3

Ar-je dəw inga ɗew kara kara ərə si gə tar gə baa ang. Mba kar nam ɓa kar ndɔ-ɛ gə əng le ɗe ɗaa, dəwje bula d-a kuba ɗəw lə Luba kḭya̰, ngaɓa dəw gə njeneɗa gə dɔ buguru a kila rɔ-ɛ gə ɗaga, ꞌne ngon gə nje kuba tuji.

1 Timoce 2:14

Cibi, to Adam ɓa ꞌSu ər-e ang, ngaa jene ɓa oso dan nekərə gə ɗaa n-mbadə ne torondu Luba.

2 Timoce 3:13

Ngaa njeməngo̰yje gə njekunja liba kəm-je gə je le, ꞌSu a kərə-je ɗaa neɗaje gə kṵra̰y a kɔsə dɔ mar-ɛ gə kede-kede ngaɓa d-a kərə ne nje gə kɛm gə d-a kərə ne darɔ-je nəm tɔ.

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

Jude 1:9

Be ɓa, logə Misɛl mbay lə anjije ma̰y tar gə ꞌSɛ̰ngərɛ̰ ngaɓa n-ar-ɛ nin Moyiji le, taj-ɛ gangə ne tar dɔ-ɛ gə ang baa, ngaa n-pa na: May kar Mbayɓe ndangə-i!

Apocalypse 12:12

Gəl-e gə nee ɓa, dara, gə sisəy gə lo kisi lə-si to kəne ꞌɗa-je ndam. Tuji uba-si, dɔ nangə, gə babo, mba ꞌSɛ̰ngərɛ̰ le aw gə nangə dɔ-si gə əng wungu ɗusu m-e, mba n-gərə to gə dɔ kar lə-a nay njɛ̰ baa ngaa.

Apocalypse 12:3

Cibi netɔji gə ɗangə kara ce mə dara gə: da kɔb gə boy kara, kasə to gə pər be, dɔ-ɛ siri ngaɓa gaji-ɛ dɔg, ɗaa jɔgə mbay siri to dɔ-ɛ gə siri gə le tɔ.

Apocalypse 12:7

Ɗaa ɗɔ oso mə dara gə. Misɛl je gə anjije lə-a ꞌɗɔ gə da kɔb. Ɗaa da kɔb, ye gə anjije lə-a ꞌɗɔ tɔ,

Apocalypse 12:8

ɗaa, da kɔb le cɛdə ɗɔ ang: lo kara gə d-inga d-ar-je mə dara gə godo.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 18:2

N-uru ꞌkuwi gə ndu-e gə boy wəl na: N-oso ngaa, n-oso ngaa, ꞌne gə Babilon gə boy le; n-təl to gə lo kisi lə ꞌSɛ̰ngərɛ̰je, lə njilje gə kṵra̰y nəm lo kinga naa lə njilje gə mina tɔ̰y ngaɓa to lo kinga naa lə əlje gə mina gə to yɛm, gə daje tɔ̰y gə to yɛm, gə baa gə nangə əng nəm tɔ.

Apocalypse 18:23

Pər lambe kara a ndogo wə̰ ɓə lə-i ang saar gə no. Dəw a ko ndu nje jene gə sigi je gə jene lə-a hɛ̰ ɓə lə-i ang saar, mba nje laɓə neje lə-i ꞌto gə dəwje gə bo-bo gə dɔ nangə gə nee, ngaɓa mba kula ɗa mbɛ̰je lə-i ərə gəl kuji dəwje tɔ̰y ar-je ꞌndəm ne.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 2:24

Kar-sisəy ɗaa, m-pa m-ar nje gə kɛm gə d-isi Tiyatir. Nje gə tɔ̰y gə ꞌta tar sula lə-a ꞌne gə Jejabɛl nee ang nəm, ngaɓa d-ula rɔ-je bababa dan negərə gə lə ꞌSu ang, to gə ꞌpa ne tar-ɛ le: ꞌMa m-unda nekodo gə uway gə ɗangə dɔ-si gə ang.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 20:8

ɗaa n-a kɔdə kaw kərə dəwje gə kil nangə gə sɔɔ gə kar-je ꞌndəəm, Gɔgə gə Magɔgə mba mbo̰-je dɔ naa gə mba kila ne ɗɔ. Kor-je asə naa gə ꞌnangəra̰ gə ta babo gə.

Apocalypse 3:9

A o, m-ar-i dəwje gə kəy nendo gə lə ꞌSu, dəwje gə ꞌɗa rɔ-je gə Jiibije, ngaa ꞌto Jiibije ang baa, ꞌto nje pa tar gə ɗəgərəje. O, m-a kar-je ꞌɗe d-um məkəji-je nangə no gɔl-i gə, ngaɓa d-a gərə to gə m-ɓol-i.

Apocalypse 9:1

Anji gə njekum gə mi to kuul lə-a ɗaa m-o ndɛ̰ndərɛ̰ndɛ̰je d-ḭ dara ꞌtoso nangə. Ɗaa d-ar-ɛ lakɛrɛ gə kar kudu ta buwa wəl gə sṵra̰ godo.

Apocalypse 9:20

Ɔji dɔ kɛsə dəwje gə ꞌnay ɗaa, nje gə d-uy yo tuji gə oso ang le, ꞌturu kəji lə-je ɔji dɔ kula ɗa-je ang, ꞌpolo njilje gə kṵra̰y dɔ-je gə kede-kede, magəje gə maa ose gə lar kasə, gə lar kasə gə ər ose gə kagəje gə d-asə ko lo ndɔ kara be ang nəm, ko tar ndɔ kara ang nəm ɓa, nja ndɔ kara ang nəm tɔ.