Apocalypse 12:4 - Mbede Lə Luba Kone Gə Sigi

⁴ ꞌKay ndɛ̰ndərɛ̰ndɛ̰je dana lo munda ɗaa, ɓong-e təbə dəɓə-je gə ɓe kara ndolong um-je dɔ nangə gə. Ɗaa da kɔb ar ngɔbə ta jene gə aw mba kuji ngon le, mba kar lo gə nuji ngon-e pəngə n-ila-a nangə nama kun-e kusa.

Testament ke Siki 1960 (Kabba Laka)

⁴ Bongè òrou er kada ke dana mouta lo ndètélendèdjé ke dara, ntiladè do nange té. Tòkou li nèn arr no dènè té ke ao ta koudjou ngon, baa ta kourou ngonè tokou nè noudjou mbä.

Apocalypse 12:4 Iomraidhean Croise

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

Apocalypse 12:7

Ɗaa ɗɔ oso mə dara gə. Misɛl je gə anjije lə-a ꞌɗɔ gə da kɔb. Ɗaa da kɔb, ye gə anjije lə-a ꞌɗɔ tɔ,

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:2

Da gə m-o-e le ta naa gə makɔr, gɔl-ɛ to to gə kar njagəmanjɛr, t-ɛ ta naa gə ta ꞌnam. Ɗaa da kɔb ar-ɛ singamongə lə-a, gə ngəndəng mbay lə-a, ngaɓa gə singa ko̰ dɔ neje.

Apocalypse 13:4

Ɗaa ꞌpolo da kɔb le mba n-ar da kɔr singa ko̰ dɔ ne, ɗaa ꞌpolo da le ꞌpa na: Na ɓa asə naa gə da le ose na ɓa asə ɗɔ sə-a wa?

Apocalypse 16:13

Cibi, m-o njilje gə kṵra̰y munda gə ꞌta naa gə gɛ̰je be ꞌce ta da kɔb gə, gə ta da kɔr gə ngaɓa gə ta pajambərə gə gə mbɔr-ɛ baa nəm tɔ.

Apocalypse 17:18

Ngaɓa jene gə o-e le, to gə ɓebo gə boy gə o̰ dɔ mbayje gə dɔ nangə gə.

Apocalypse 20:2

N-uwa da kɔb, li gə kede ləw gə to gə ꞌSu gə ꞌSɛ̰ngərɛ̰ le ɗaa, n-tɔ-ɛ kəm ɓal tɔl-tɔl dɔg lo kara.

Apocalypse 8:10

Anji gə njekum gə munda to kuul lə-a ɗaa ndɛ̰ndərɛ̰ndɛ̰je gə boy ya̰ d-ḭ dara ꞌtoso nangə d-o pər to gə ngəəl be toso dɔ dəbə baa gə kara gə ꞌkay dana ɓe munda gə dɔ kəm ɗəw manje gə.

Apocalypse 8:11

Ndɛ̰ndərɛ̰ndɛ̰ le ri-a na man kadə koso. ꞌKay manje dana ɓe munda ɗaa ye gə ɓe kara təl to gə man kadə koso ngaɓa dəwje bula d-uy mba manje gə ꞌtəl d-adə mbagə-mbagə.

Apocalypse 8:12

Anji gə njekum gə sɔɔ to kuul lə-a ɗa dəbə kar gə ꞌkay dana lo munda, gə dəbə nay gə ꞌkay dana lo munda, gə dəbə ndɛ̰ndərɛ̰ndɛ̰je gə ꞌkay-je dana lo munda le ꞌtuji-je pugudu. Dəb-eje gə ɓe kara ndogo ang magə. ꞌKay lokarə dana ɓe munda ɗaa dəb-e gə ɓe kara unda mburugu ngaɓa londul kara to gə bənəng tɔ.

Apocalypse 8:7

Ye gə dɔngɔr to kuul lə-a: kuji gə pər gə polo naa gə məsə wɛgəsɛ-wɛgəsɛ toso nangə. Dɔ nangə gə ꞌkay dana ɓe munda le, dəb-e gə kara o̰ pər kərəng, ꞌkay kagəje dana ɓe munda ɗaa dəb-eje gə ɓe kara o̰ pər kərəng ngaɓa mə kɔr gə ndul gə man ngɔ̰y-ngɔ̰y le o̰ pər kərəng tɔ.

Apocalypse 8:8

Anji gə njekum gə joo to kuul lə-a, o ɗa pa na dɔ mbal gə bo gə o̰ pər ɓa d-ɔr-ɛ d-ila-a dan man babo gə. Babo gə ꞌkay dana ɓe munda le dəbe gə kara təl məsə.

Apocalypse 8:9

Nekundaje gə d-aw dan man babo gə le, ꞌkay-je dana ɓe munda ɗaa, dəɓə-je gə ɓe kara d-uy kərəng ngaɓa toje gə ꞌkay-je dana ɓe munda le, ꞌtuji dəb-eje gə ɓe kara pugudu.

Apocalypse 9:10

Ɓongə-je ta naa gə ɓongə yḭ be, tər lə-je ɗusu tub-tub, ngaɓa ɓongə-je le, singamongə ɗa məyɛr dəwje kəm nay mḭ to kəne.

Apocalypse 9:19

Mba singamongə lə kundaje le to mə kil-je gə ngaɓa to ɓongə-je gə. To gə be ɓa ɓongə-je ta naa gə lije, ɗaa dɔ-je kəne, ye ɓa d-asə mba ɗa ne dəwje məyɛr.