Apocalypse 12:11 - Mbede Lə Luba Kone Gə Sigi

¹¹ Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Testament ke Siki 1960 (Kabba Laka)

¹¹ Dèdè ndaiè ke singa deo mese té lo Ngon bati, ke deo tar nadji té lodè, dèdè ndiki tébe lodè ang lé tokou dase kwoei.

Apocalypse 12:11 Iomraidhean Croise

Lugu 14:26

To gə ɓo dəw ɗe rɔ-m gə, ngaɓa ɓo njigi bɔb-ɛje, ose ko̰-ɛje, ose jene lə-a, ose ngan-ɛ, ose ngan ko̰-ɛ gə ko̰ nan-ɛ ose təbə lə-a ja ang gə kɔrɔ, nama to ngon njenendo lə-m ang.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Koula 21:13

Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju.

Romaindjé 16:20

Be ɓa Luba gə to ngira ɗɛgɛgɛ le, a tɔ dɔ ꞌSu ɓisine baa kar ꞌnjaje dɔ-ɛ gə. May kar mənuji lə Mbayɓe lə-sijee Jeju nay gə si!

1 Corinthiendjé 15:57

Ngaa oyo ar Luba, gə ar-si j-a cɛdə ɗɔ ɗəw gə lə Mbayɓe lə-sijee Jeju Kirisi!

1 Jean 4:4

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

1 Jean 5:5

Dəw gə nje cɛdə ɗɔ dɔ nangə to na wa? Be ang nama, dəw gə ta kagə to gə Jeju to Ngon lə Luba ja ɓa.

Apocalypse 1:2

gə pa tar naj-ɛ to gə ne tɔ̰y gə n-o le to tar lə Luba ngaɓa to tar naji lə Kirisi Jeju tɔ.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 11:7

Ngaɓa lo gə d-a kunda ngangə tar naji lə-je ɗaa, da gə ɔsə lo mə buwa wəl gə ce le, a ɗa gə je ɗɔ, a cɛɗə kinga-je ɗaa tɔl-je.

Apocalypse 12:17

Wungu ɗa da kɔb dɔ jene gə ɗaa ɔdə aw ila ɗɔ dɔ kɛsə ngan ka jene gə, nje gə d-ila kuji dɔ toronduje gə lə Luba ngaɓa ꞌngom tar naji lə Jeju.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 2:26

Dəw gə cɛɗə ɗɔ, ye gə ngom kula ɗaje lə-m saar ɔr sṵra̰ nama, m-a kar-ɛ singamongə ko̰ dɔ gəl kuji dəwje.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 3:5

Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.

Apocalypse 6:9

Lo gə n-ɔr ta bəngə ji gə njekum gə mi ɗaa, m-a lo gə gəl no kɔgə ɗaa m-o kəm lə nje gə ꞌtɔl-je gə nekunja məsə mba tar lə Luba ngaɓa gə mba tar naji lə-je tɔ.