Apocalypse 12:10 - Mbede Lə Luba Kone Gə Sigi

¹⁰ Ngaɓa m-o ndu gə boy ɓar mə dara gə na: Ɓisine ɗaa to dɔ kar kaji, gə singamongə, gə ɓeko̰ lə Luba lə-si asə ngaa, ngaɓa gə singa ko̰ dɔ neje lə Kirisi lə-a tɔ. Mba njekila tar dɔ ngan ko̰-sijee gə le, ye gə ila tar dɔ-je gə no gɔl Luba gə lə-sijee dan kara gə lo ndul gə le d-ɔs-ɛ d-ila-a nangə.

Testament ke Siki 1960 (Kabba Laka)

¹⁰ Ma mo ndou ke bar nya dara, pana, Bashénè kadji ke singa ke ko béh lo Allah lodjè ke singa lo Christ la dé mbä, mbata dila ndjè toula do ngaködjèdjè nange, nè ke ntoula dòdè kade rem tilti rem no Allah té lodjè.

Apocalypse 12:10 Iomraidhean Croise

Matiye 26:64

Jeju ila-a kəne na: Ce ta-i ꞌi gə ja, ngaɓa m-pa m-ar-si, a kun kud-e ɓisine ja, a ko-mje ꞌMa gə ngon lə dəw, M-a kisi dɔ ji kɔl Luba gə njesingamongə gə ngaɓa m-a kar dɔ kil lə nji mə dara gə.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Matiye 6:10

May kar ɗe o̰ ɓe dɔ si gə Kar dəwje gə dɔ nangə nee ꞌɗa mə njigi lə-i to gə ꞌɗa ne dara be.

Lugu 11:2

Jeju pa ar-je na: Logə ꞌdəji-je Luba ɗaa, ꞌpaje na: Bɔy! May kar ri-i to ɓədə gə losang-ɛ; May kar ɗe o̰ ɓe dɔ si gə

Lugu 22:31

Simo, Simo, a o, ꞌSu naji-si gə mba rundu-si to gə jene rundu ne waa mə bḭḭ gə be.

1 Corinthiendjé 5:4

Mba, gə ri Mbayɓe Jeju ɗaa, njil-m a kum gə sisəy naa gə kara baa, gə go singamongə lə Mbayɓe lə-sijee Jeju ɗaa,

2 Corinthiendjé 12:9

ngaa n-ila-m kəne na: Mənuji lə-m ja as-i mbagə, mba ɗəw tɔgə godo gə ja ɓa m-tɔji ne singamongə-m. Be ɓa tɔgə godo ja ɓa m-a kɔsə ne rɔ-m, mba kar singamongə Kirisi dəbə ne dɔ-m gə.

Tite 2:3

ꞌPa ar jeneje gə tɔgə ɗəw kara baa mba kar pa nja-je to gə maj-ɛ, kar ꞌtura tar gə kṵra̰y dɔ ngan marəje-je gə baa ang, gə to ɓərəje lə kodo ang nəm, ngaa kar ꞌtɔji neɗa-je gə may ɓa gə ɗaga,

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 2:26

Dəw gə cɛɗə ɗɔ, ye gə ngom kula ɗaje lə-m saar ɔr sṵra̰ nama, m-a kar-ɛ singamongə ko̰ dɔ gəl kuji dəwje.

Apocalypse 7:10

ɗa ꞌpa tar gə ndu-je gə boy na: Kaji to kar Luba lə-si gə isi dɔ ngəndəng mbay gə to kar Ngon badəm nəm tɔ.