Apocalypse 11:8 - Mbede Lə Luba Kone Gə Sigi

⁸ Nin-je a to ɗəw boo mə ɓebo gə boy gə d-unda ri-a gə ne kɔji mar-ɛ ɗəw njil gə na Sɔdom gə Ejipətə, lo-e gə ꞌɓərə Mbayɓe kagə dəsə gə kəne.

Testament ke Siki 1960 (Kabba Laka)

⁸ Nindè a to deo tokou béh té, ke mmar deo té lo ndii Sodome ke Egypte, loou ke ntòl Mbaibé Seigneur lodè kendé.

Apocalypse 11:8 Iomraidhean Croise

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Koula 9:4

N-ce n-oso nangə ɗaa n-o ndu dəw pa ar-ɛ na: Sɔl, Sɔl, mba ɗi ɓa ula kəm-m ndoo wa?

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 6:6

ɓa ꞌtəl d-oso le, ɗəw gə ɗangə gə d-a təl turu ne kəji lə-je to gə sigi le godo. Mba ꞌtəl ꞌɓərə ngon lə Luba kagə dəsə gə to gə sigi gə kar-jejee ja cibi ngaɓa d-unda-a gə ne taji gadəmagay gə.

2 Piyɛr 2:6

To gə ɓo n-tuji ɓeboje gə Sɔdom je gə Gɔmɔr gə pər mba kar to nekɔji mar-ɛ mba nje ɓəəl Luba angje gə ndɔ gə bara,

Jude 1:7

Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 11:9

D-a kḭ horo dəw mə ɓeje gə, gə gəl kaje, gə ndo̰ tarje gə gəl kujije mba ɗe ko nin-je kəm ndɔ munda gə gɛ̰, lal kar n-ḭya̰ ɗəw n-ar ꞌdubu-je.

Apocalypse 14:20

ꞌJḭ ko le ɗa kodo gir ɓe gə ɗaga, ɗaa məsə ce mə dura kodo gə le ula nangə kəngəng-kəngəng, saar uwa jɛm gə ta kundaje gə taar jim, un lo gə tad-ɛ laɓa-laɓa asə ne gə kula mɛdərɛ tɔl munda je əng benəng.

Apocalypse 14:8

Cibi Anji gə ɗangə kara gə njekum gə joo, ore go ye gə kede ɗaa pa na: Ɓɛlɛ ngaa, n-tuji pugudu ngaa, n-tuji pugudu ngaa, ꞌne gə Babilon gə boy, gə njekula kodo wungu lə-a mɛr-mɛr mə gəl kujije gə tɔ̰y kum neje dan kaya gə le.

Apocalypse 16:19

ꞌGangə ɓebo gə boy le dana lo munda. Ɓeboje lə dəwje gə ꞌto gə Jiibije ang d-unda nangə mburugu. Ɗaa mə Luba ole dɔ Babilon gə boy, mba kar-ɛ ngo kay kodo wungu lə-a gə ḭ pu-pu.

Apocalypse 17:1

Be ɓa kara lə anjije gə siri gə d-uwa ngo nekay gə siri ngɛsə gə kede ɗaa pa tar to gə be ar-m na: ꞌƊe, m-a tɔji-i tar gə ꞌgangə dɔ ko̰ kaya jene gə isi dɔ baboje gə.

Apocalypse 17:18

Ngaɓa jene gə o-e le, to gə ɓebo gə boy gə o̰ dɔ mbayje gə dɔ nangə gə.

Apocalypse 17:5

ꞌƊa ri misi kara ɓida no-ɛ gə na: Babilon gə boy ko̰ jene kayaje gə nje ɗa nekɔbəje gə dɔ nangə gə.

Apocalypse 18:10

Nekəmandoo lə-a a ɗa-je ɓəəl ɗaa, d-a kɔr rɔ-je kar ngərəng ngaɓa d-a pa na: Tuji! Tuji! Əy ɓebo gə boy, Babilon, ɓebo gə njesingamongə, ꞌI le ja ngaa, mə kar gə kara ja baa ꞌgangə tar dɔ-i gə nee le!

Apocalypse 18:18

Ngaɓa logə d-o sa pər gə ro-e uba ngug-ngug ɗaa, ꞌɗa ne gə ndu-je gə boy wəl na: Ɓebo gə ɗa ɓa d-a kɔji ne ɓebo gə boy le wa?

Apocalypse 18:2

N-uru ꞌkuwi gə ndu-e gə boy wəl na: N-oso ngaa, n-oso ngaa, ꞌne gə Babilon gə boy le; n-təl to gə lo kisi lə ꞌSɛ̰ngərɛ̰je, lə njilje gə kṵra̰y nəm lo kinga naa lə njilje gə mina tɔ̰y ngaɓa to lo kinga naa lə əlje gə mina gə to yɛm, gə daje tɔ̰y gə to yɛm, gə baa gə nangə əng nəm tɔ.

Apocalypse 18:21

Be ɓa, anji gə njesingamongə kara un kɔr ər kara gə ɔy njing-njing to gə mbal kusu ne be, ɗaa ila mə babo gə ngaɓa pa na: Gə singa gə kara ne ja d-a kɔsə ne Babilon gə to ɓebo gə boy kila-a. D-a təl kinga-a gugu ang saar.

Apocalypse 18:24

Cibi ngaɓa pajambərəje gə njerɔsangəje gə dəwje tɔ̰y gə ꞌtɔl-je dɔ nangə gə nee le, gəl-e ḭ ɓə lə-i.