Apocalypse 11:3 - Mbede Lə Luba Kone Gə Sigi

³ ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Testament ke Siki 1960 (Kabba Laka)

³ Ma ma kare ndjè tar nadjidjé lom ke djo singa ta pa tar ke Allah oula, ase ndò dourou gérè kòr djo ke dòmisä, doula koubou saki ròdè té.

Apocalypse 11:3 Iomraidhean Croise

Matiye 11:21

Nekəmandoo to kar ꞌi ɓe gə Korajɛ̰! Nekəmandoo to kar ꞌi gə ɓe gə Bɛdəsayida! Mba nemisije gə ꞌɗa horo-si gə to gə ɓo neje nee le ꞌɗa mə ɓe gə Sido̰ gə mə ɓe gə Tir nama, ləw baa nee le, d-a turu kəji ɗəw kula kubu ndoo gə d-uji gə bḭ gum, d-a rɔgə rɔ-je bu gə.

Matiye 18:16

Ngaa to gə ɓo n-mbadə ko tar ta-i gə ɗaa, təl aw sangə dəw kara ose dəwje j-o um-je dɔ-i gə ja cibi ɓa gə mba kar ꞌgɔlje ne tar nee le, kar dəwje gə joo ose munda nee le ꞌto njetar naj-ɛje.

Lugu 10:13

Nekəmandoo to kar ꞌi ɓe gə Korajɛ̰! Nekəmandoo to kar ꞌi ɓe gə Bɛdəsayida! Mba nemisije gə ꞌɗa horo-si gə le, to gə ɓo neje nee le ꞌɗa mə gə ɓe gə Tir gə mə ɓe gə Sido̰ nama, ləw baa nee le, d-a turu kəji lə-je, kula kubu ndoo gə d-uji gə bḭ gum, gə rɔgə rɔ-je bu gə.

Lugu 24:48

Sisəy ja ꞌtoje gə nje pa tar naj-ɛje.

Jean 15:27

Ngaɓa sisəy ja kara, a paje tar naji lə-m mba ꞌga̰je se-m naa gə lo kuma kudu ne gə.

Jean 3:27

Ja̰ təl ila-je kəne na: To gə ɓo dara ar dəw ne ang nama, nj-ɛ a kasə kinga ne kara be gə dɔ rɔ-ɛ baa ang.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 13:31

Go-e gə le, n-tɔji rɔ-ɛ gɔl bula n-ar nje gə d-ḭ sə-a dɔ nangə gə Galile ꞌdan-ɛ d-aw sə-a Jerujalɛm d-o-e. Ɓisine dəwje gə d-o-e ꞌto njetar najije lə-a no dəw mə ɓeje.

Koula 2:32

Jeju gə nee le uy ɓa Luba ar-ɛ ndol ɗaa sijee j-a to njetar naj-ɛje.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

2 Corinthiendjé 13:1

M-aw gə ɓə lə-si gə njekum gə gɔl munda ngaa. Neje tɔ̰y j-a gɔl gə go tar naji lə dəwje joo ose munda.

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 11:2

Ngaa tabidi kəy lə Luba gə ɗaga le ḭya̰ ar to lo kara ɓo ila ne kɔji ngal ne kəne ɔji ne ang, mba d-ula mə ji dəwje gə ꞌgərə Luba ang gəl kuji dəwje gə, mba kar ɓebo gə to gə losang-ɛ le, d-a lag-e gə gɔl-je nangə lag-lag kəm nay dɔg sɔɔ gə gir-e gə joo

Apocalypse 11:6

D-aw gə singamongə mba kudu kəm dara, kɔgə ne nji, mba kar dɔ ndɔje gə pajambərəje ꞌpa ne tar gə ri Luba le, man nji oso nangə cɛ̰ng be ang. D-aw gə singamongə mba təl ne man gə məsə ngaɓa gə mba kar tujije bula oso dɔ nangə gə to gə mə-je ja njigi.

Apocalypse 12:6

Jene ɗaa, a̰y k-ɛ ye aw ndag lo gə, lo gə Luba ɗa ɔji dɔ-ɛ mba kar d-ar-ɛ ne kəne n-usa kəm ndɔ tɔl-tɔl dɔg lo kara gə tɔl joo gə gir-e gə dɔg misa̰.

Apocalypse 13:5

D-un ɗəw d-ar da kɔr cɛ̰ t-ɛ pa tar bɔsɔsɔ ngaɓa n-taji Luba n-tar-ɛ ne taar-taar; n-inga singamongə mba ɗa ne kula kəm nay dɔg sɔɔ gə gir-e gə joo.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.