Apocalypse 11:2 - Mbede Lə Luba Kone Gə Sigi

² Ngaa tabidi kəy lə Luba gə ɗaga le ḭya̰ ar to lo kara ɓo ila ne kɔji ngal ne kəne ɔji ne ang, mba d-ula mə ji dəwje gə ꞌgərə Luba ang gəl kuji dəwje gə, mba kar ɓebo gə to gə losang-ɛ le, d-a lag-e gə gɔl-je nangə lag-lag kəm nay dɔg sɔɔ gə gir-e gə joo

Testament ke Siki 1960 (Kabba Laka)

² Òdjou da loou ke to giri tòkou kei Allah té ang, ïya ba mbata dïya yèn dare Gentildjé, ke da mbòï béh ke madji toï ase nnè doso gérè djo.

Apocalypse 11:2 Iomraidhean Croise

Matiye 27:53

Ngaɓa ꞌce mə buwa yo gə, ngaa gə go ce gə Jeju ce mə buwa yo gə, d-aw d-andə mə ɓebo gə to gə losang-ɛ, ngaɓa ꞌtɔji rɔ-je d-ar dəwje bula d-o-je.

Matiye 4:5

Cibi ꞌSɛ̰ngərɛ̰ ɔr-ɛ aw sə-a mə ɓe gə Jerujalɛm gə to ɓe gə to gə losang-ɛ, aw ila dɔ sam kəy gə lə Luba

Matiye 5:13

Sisəy ja ꞌtoje kadə gə dɔ nangə nee. Ngaa to gə ɓo kadə do̰o̰ ang le, se d-a ɗa ban ɓa kar-ɛ təl do̰o̰ wa? May kum kɔrɔ kar dəwje ꞌtuba gə gɔl-je.

Lugu 21:24

D-a tɔl-je gə kiya bayi nəm, d-a kuwa-je ɓərə kaw gə je gəl kuji dəwje gə tɔ̰y, ɗaa njeba̰a̰je d-a lagə ɓe gə Jerujalɛm gə gɔl-je lag-lag saar, mba kar dɔ kar gə d-uwa d-ɔji ne dɔ gəl kuji dəwje asə.

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Apocalypse 11:11

Go ndɔ gə munda gə gɛ̰-ɛ le ɗaa, njil gə kar kaw kəm baa kara ḭ rɔ Luba gə ɗe uru mə-je gə ɗaa d-ḭ d-ar taar dɔ gɔl-je gə. Be ɓa ɓəəl gə boy ja unda nje gə d-o-je badə gangə-je.

Apocalypse 11:3

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Apocalypse 12:6

Jene ɗaa, a̰y k-ɛ ye aw ndag lo gə, lo gə Luba ɗa ɔji dɔ-ɛ mba kar d-ar-ɛ ne kəne n-usa kəm ndɔ tɔl-tɔl dɔg lo kara gə tɔl joo gə gir-e gə dɔg misa̰.

Apocalypse 21:10

Njil ɗe dɔ-m gə yiil ɗaa anji un-um aw sə-m dɔ ər gə boy ngaɓa ndə̰w̰ nəm, ɗaa n-tɔji-m Jerujalɛm, ɓebo gə to gə losang-ɛ gə ḭ ɓə lə Luba gə dara ur nangə.

Apocalypse 21:2

Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Apocalypse 22:19

To gə ɓo dəw ɔr ne mə tarje gə pajambərə pa mə mbede gə nee nama, Luba a kɔr ta ne lə-a kagə təbə, gə ɓebo gə to gə losang-ɛ, gə ꞌpa tar-ɛ mə mbede gə nee.