Apocalypse 11:19 - Mbede Lə Luba Kone Gə Sigi

¹⁹ Ɗaa ta kəy gə lə Luba gə mə dara gə cɛ̰, ngaɓa sandubu kone ce to mə kəy gə lə Luba; ɗaa nji təl pa̰y-pa̰y ngaɓa ndu dəwje ɓar gə nji ndangə bangərang-bangərang, nangə kara yə, ngaɓa kɔji nə̰y nangə hadada-hadada tɔ.

Testament ke Siki 1960 (Kabba Laka)

¹⁹ Bana kei lo Allah ke dara òrou ke do sandoukou tar kwaana medji la mè kei Allah té, ndi tél, ke boula ounda nya, ndi ndange ke nange yè nya, ke kòdjou ke gaï ngeng.

Apocalypse 11:19 Iomraidhean Croise

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 12:1

Netɔji gə boy kara ce mə dara gə: jene kara, kar dəb-e guburu, nay to gəl gɔl-ɛ gə nangə, ngaɓa jɔgə gə to gə ndɛ̰ndərɛ̰ndɛ̰je dɔg gə gir-e gə joo to dɔ-ɛ.

Apocalypse 16:1

Ɗaa, m-o ndu dəw bar to gə boy no kɔgə pa ar anjije gə siri le na: Awje, aw mbəlje wungu lə Luba gə to ngo nekay gə gəl siri dɔ nangə nee!

Apocalypse 16:18

Nji təl pa̰y-pa̰y, ndu dəwje gə ɓar, gə nji gə ndangə bangərang-bangərang, ngaɓa nangə yə gə mong-e ya̰. Ləw ja baa gə dəwje ꞌga̰ dɔ nangə gə nee le, dɔ nangə yə to gə bənəng ang ja ɓi.

Apocalypse 16:21

Kɔji gə boy ja ḭ dara cɛdə gə kɔrɛ-kɔrɛ gə ɔy asə kilo dɔg joo je əng bənəng toso dɔ dəwje gə, ɗaa dəwje taji Luba mba kɔji gə ila tuji dɔ-je gə, mba tuji gə nee le to ɓəəl ya̰ unda mar-ɛje tɔ̰y.

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 4:1

Go-e gə gugu ɗaa m-o ta ɗəw cɛ̰ mə dara gə, ɗaa ndu gə dɔngɔr gə pa sə-m tar gə ur mbi-m gə le ɓar to gə kuul be, pa na: Ɔdə gə nee, ɗa m-a tɔji ne gə a nday mə ndɔ gə aw ɗe gə kede əng.

Apocalypse 4:5

Ngəndəng mbay le təl lə nji gə ndu dəwje, gə ndangə lə nji ꞌce kəne. Lambe siri gə o̰ pər bilim-bilim gə to gə njilje lə Luba gə siri to no ngəndəng mbay gə le.

Apocalypse 7:15

Gəl-e gə nee ɓa d-ar ne no ngəndəng mbay gə lə Luba ꞌpol-e ne kara gə cil mə kəy gə lə-a. Ye gə isi dɔ ngəndəng mbay gə a kar d-isi mə kəy gə lə-a;

Apocalypse 8:5

Cibi, anji təl un ku ba̰y kəndə mambo̰ um pər gə to no kɔgə kəne tubu ɗaa bḭ ila nangə ɗaa təl to nji, ndangə, ndu ɓar, nji təl, gə dɔ nangə ye tɔ.

Apocalypse 8:7

Ye gə dɔngɔr to kuul lə-a: kuji gə pər gə polo naa gə məsə wɛgəsɛ-wɛgəsɛ toso nangə. Dɔ nangə gə ꞌkay dana ɓe munda le, dəb-e gə kara o̰ pər kərəng, ꞌkay kagəje dana ɓe munda ɗaa dəb-eje gə ɓe kara o̰ pər kərəng ngaɓa mə kɔr gə ndul gə man ngɔ̰y-ngɔ̰y le o̰ pər kərəng tɔ.