Apocalypse 11:18 - Mbede Lə Luba Kone Gə Sigi

¹⁸ Ɗaa, wungu ɗa dəwje gə ꞌgərə Luba ang gəl kuji dəwje gə, ngaa to gə wungu lə-i ɓa ɗe. To dɔ kar gangə tar dɔ nje gə d-uy gə, dɔ kar kuga ne dɔ ji lə ɓərə kulaje gə to gə pajambərəje gə njerɔsangəje gə nje ɓəəl ri-ije, nganje gə naa gə dəwje gə tɔgə, dɔ kar tuji gə ɔji dɔ nje gə ꞌtuji dɔ nangə nee.

Testament ke Siki 1960 (Kabba Laka)

¹⁸ Mè Gentildjé ödè, a ongou loi dé mbä, ndò ta gange saria lo ndjè yodjé dé mbä, ta kare kouka nganlokisidjé loi, prophètedjé ke ndjè ko mè tédjé, ke dèdè ke mmel ri, dèdè ke ngadji ke dèdè ke tokou, ke ta toudjou dèdè ke ntoudjou nange.

Apocalypse 11:18 Iomraidhean Croise

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Lugu 1:50

Ngaɓa, məmay lə-a to gə ɓal-ɓal Dɔ dəwje gə ꞌɓəəl Luba gə

Ebərəje 9:27

Mba dəw gə ɗa-ɗa kara a kuy gɔl kara baa ja, a ɓo go-e gə nama lo gangə tar ngaɓa a kaw kəne le ɗaa,

Apocalypse 10:7

Ngaa mə ndɔje gə anji gə njekum gə siri a to kuul ɗaa, ye əng ɓa nemisi lə Luba a kaw lo-e gə yɛrɛrɛ, gə go Tar gə May gə n-pa n-ar njekulaje lə-a gə ꞌto gə pajambərəje.

Apocalypse 11:2

Ngaa tabidi kəy lə Luba gə ɗaga le ḭya̰ ar to lo kara ɓo ila ne kɔji ngal ne kəne ɔji ne ang, mba d-ula mə ji dəwje gə ꞌgərə Luba ang gəl kuji dəwje gə, mba kar ɓebo gə to gə losang-ɛ le, d-a lag-e gə gɔl-je nangə lag-lag kəm nay dɔg sɔɔ gə gir-e gə joo

Apocalypse 13:10

To gə ɓo dəw gə kar d-uwa-a ɓərə nama d-a kuwa-a ɓərə. To gə ɓo dəw gə kar ꞌtɔl-ɛ gə kiya bayi nama d-a tɔl-ɛ gə kiya bayi. Kar gə nee le, to kar gə kar njerɔsangəje d-uwa gədərə dɔ takagə gə.

Apocalypse 13:16

Nganje gə bubaje, bawje gə njendooje, ngan kujije gə ɓərəje, tɔ̰y ja n-ar d-ɔsə ndaji mə ji-je gə kɔl gə ose ɓida noje gə.

Apocalypse 14:10

ne kara n-a kay kodo wungu lə Luba gə d-a kay mə ngo nekay wungu lə-a gə lal kal bodo. Ɗaa n-a ko ꞌməsərə dan pər gə ngaɓa dan sori gə ta kəm anjije gə njerɔsangəje gə gə ta kəm ngon badəm gə.

Apocalypse 15:1

Cibi, m-o netɔji gə ɗangə gə bo ngaɓa to ɓəəl ya̰ mə dara gə; anjije siri d-uwa tujije gə gə bo̰ siri ji-je gə, mba Luba ɓugu wungu lə-a ɗəw gə lə-je.

Apocalypse 15:7

Kara horo nekundaje gə d-aw kəm baa gə sɔɔ ar anjije gə siri ngo nekay maaje siri. Wungu lə Luba gə nje kisi gə ndɔ gə ndɔ ɗusu mə ngoje le tubu.

Apocalypse 18:6

Lar lə-a gə n-uga ne ja ugaje ne dɔ ji-a, ꞌtəlje gə kula ɗ-ɛje le bəngə mar-ɛ gə gɔl joo ar-eje. Mə ngo nekay gə n-kal bodo kodo lə-a kəne le n-ar d-ay le, ꞌkalje bodo kəne, bəngə mar-ɛ gə gɔl joo ar-eje.

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 19:18

mba ko̰ yo mbayje, yo njekɔr no njeɗɔje, yo njesingamongəje, yo kundaje gə njekal-jeje, yo dəwje tɔ̰y, ngan kujije gə ɓərəje, nganje gə bubaje.

Apocalypse 19:5

Be ɓa ndu ḭ ngəndəng mbay gə ɗaa pa na: Ɔsəje gaji Luba lə-sijee, sisəy ngan njekulaje lə-a tɔ̰y, sisəy gə ꞌɓəəl-eje, nganje gə bubaje.

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.

Apocalypse 20:15

Na-na ɓa ꞌɗa ri-a mə mbede təbə gə ang ɗaa, d-ɔs-e d-ila-a dang pər gə.

Apocalypse 22:12

A o, m-aw m-ɗe ɓisine baa, ngaɓa m-ɗe gə nekuga dɔ ji lə-m kara dɔ-m gə, mba kar na-na kara m-uga-a ne ɔji dɔ kula ɗ-ɛ ɗ-ɛ.