Apocalypse 11:17 - Mbede Lə Luba Kone Gə Sigi

¹⁷ na: J-a ɗa-i oyo, Mbayɓe Luba gə njesingamongə gə dum dɔ lo, gə ga̰, gə ga̰ kede ləw baa, mba ꞌtɔji singamongə lə-i gə bo ya̰, ngaɓa o̰ ɓe nəm tɔ.

Testament ke Siki 1960 (Kabba Laka)

¹⁷ Mpana, Djèdjè ndai woio Mbaibé Allah, ndjè singa mongou, i ke éh ke éh leo, mbata i taa tokou singa mongou loi, ke i taa loou kö béh loi.

Apocalypse 11:17 Iomraidhean Croise

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Lugu 10:21

Dɔ kar-ɛ gə əng le, Njil Njerɔsangə ar kogo ɗusu mə Jeju ɗaa, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje, ngaa ꞌkila gəl-e ar nganje d-o. Oyo, Bɔy, mba ꞌnjigi kar neje to to gə be gə go mə njigi lə-i.

Jean 11:41

Be ɓa d-uwa pil ər le d-ila ɗangə. Jeju un kəm-e gə taar, ɗaa pa na: Bɔ dəwje, m-ar-i oyo mba ndu-m gə o.

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

2 Corinthiendjé 9:15

J-arə oyo Luba mba nekarə baa lə-a gə al dɔ lo.

1 Timoce 1:12

M-ar oyo Kirisi Jeju, Mbayɓe lə-si gə ar-m singa ngaɓa tura-m gə dəw gə gadə-gadə ɓa ɓar-m mə kula gə lə-a,

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 1:8

Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 16:5

Cibi, m-o ndu anji gə man pa na: ꞌTo dəw gə gadə-gadə, ꞋI gə ꞌga̰ ngaɓa ꞌga̰ kede ləw baa, ꞌI, Njerɔsangə, mba to gə be ɓa ꞌgangə ne tar.

Apocalypse 16:7

Cibi, m-o ndu ḭ no kɔgə pa na: Oyo, Mbayɓe Luba, Njesingamongə, tarje gə ꞌgangə le, ꞌgangə tɔgərɔ, ngaɓa ꞌgangə gadə-gadə ja.

Apocalypse 18:8

mba gəl ne gə kən le ɓa, ndɔ kara ja baa, tujije gə d-uwa dɔ gɔl-ɛ d-ɔji ne dɔ-ɛ le, a ce dɔ-ɛ gə: yo, kəm ndoo yo, ɓo bo, ngaɓa pər a ko̰-e rug-rug. Mba Mbayɓe Luba gə gangə tar dɔ-ɛ gə le to njesingamongə.

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 19:6

Ɗaa m-o ndu gə ta naa gə ndu bula dəwje gə dig-dig nəm gə kɔr manje gə bo, gə kɔr nji gə ndangə gə mong-e be, pa na: Aleluyia! Mba Mbayɓe, Luba lə-sijee gə njesingamongə, kila ɓeko̰ gə lə-a gə ɗaga ngaa.