Apocalypse 1:8 - Mbede Lə Luba Kone Gə Sigi

⁸ Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Testament ke Siki 1960 (Kabba Laka)

⁸ Mam nto Alpha ke Oméga, Mbaibé Allah pa, nè ke néh, ke néh leo, ke nao ndé, nè ndjè singa mongou.

Apocalypse 1:8 Iomraidhean Croise

2 Corinthiendjé 6:18

M-a to bɔ-sijee, Ɗaa sisəy a toje gə ngan-mje gə jingaw gə nje gə jene. Mbayɓe gə njesingamongə pa be.

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:17

Lo gə m-o-e ɗaa, m-oso nangə no gɔl-ɛ gə to gə dəw gə uy be, ɗaa n-ila ji kɔl-ɛ dɔ-m gə ngaɓa n-pa na: ꞌƁəəl ang, M-to dəw gə dɔngɔr gə dəw gə njekudu bo̰,

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 11:17

na: J-a ɗa-i oyo, Mbayɓe Luba gə njesingamongə gə dum dɔ lo, gə ga̰, gə ga̰ kede ləw baa, mba ꞌtɔji singamongə lə-i gə bo ya̰, ngaɓa o̰ ɓe nəm tɔ.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 16:7

Cibi, m-o ndu ḭ no kɔgə pa na: Oyo, Mbayɓe Luba, Njesingamongə, tarje gə ꞌgangə le, ꞌgangə tɔgərɔ, ngaɓa ꞌgangə gadə-gadə ja.

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 19:6

Ɗaa m-o ndu gə ta naa gə ndu bula dəwje gə dig-dig nəm gə kɔr manje gə bo, gə kɔr nji gə ndangə gə mong-e be, pa na: Aleluyia! Mba Mbayɓe, Luba lə-sijee gə njesingamongə, kila ɓeko̰ gə lə-a gə ɗaga ngaa.

Apocalypse 2:8

ꞌƊa mbede ar Anji lə Mbo̰ naa lə njetakagəje gə Isimirənə: A o tar gə dəw gə dɔngɔr gə dəw gə njekudu bo̰ pa, ye gə uy ɓa təl ndol aw kəm baa:

Apocalypse 21:22

Mə ɓebo gə nee le m-o kəy lə Luba kəne ang, mba Mbayɓe Luba gə njesingamongə je gə ngon badəm ja ꞌto gə kəy gə kəne.

Apocalypse 21:6

Ngaɓa n-pa n-ar-m na: Ɓɛlɛ ngaa. M-to Aləpa gə Omega, lo kuma kudu ne gə lo tɔl ngangə ne. Ye gə kunda ɔr-ɛ nama m-a kar-ɛ man gə a̰y kuji-kuji gə kar kisi kəm baa, gə a ndogo gə lar ang.

Apocalypse 22:13

M-to Aləpa gə Omega, Dəw gə dɔngɔr gə Dəw gə ɗudu, lo kuma kudu ne gə lo tɔl ngangə ne.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.