Apocalypse 1:7 - Mbede Lə Luba Kone Gə Sigi

⁷ Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!

Testament ke Siki 1960 (Kabba Laka)

⁷ Woidjé, nè ndé ke ndi ke il, ke kem toï a koè, ke dèdè toï ke dèsè leo, gel dooudjé toï ke nange nèn a no mbata la. Tokou ban, Amen.

Apocalypse 1:7 Iomraidhean Croise

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 24:30

Be ɓa, dəwje d-a ko ne gə a tɔji ɗe lə ꞌma gə Ngon lə dəw ɗang-ɗang mə dara gə, gəl kujije tɔ̰y gə dɔ nangə nee d-a kunda kar-je no ne, ngaɓa d-a ko Ngon lə dəw a kar dɔ kil gə lə nji gə dara mba ɗe gə singamongə ngaɓa gə ndogo lə-a gə boy.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 26:64

Jeju ila-a kəne na: Ce ta-i ꞌi gə ja, ngaɓa m-pa m-ar-si, a kun kud-e ɓisine ja, a ko-mje ꞌMa gə ngon lə dəw, M-a kisi dɔ ji kɔl Luba gə njesingamongə gə ngaɓa m-a kar dɔ kil lə nji mə dara gə.

Marəke 13:26

Be ɓa, d-a ko-m ꞌma gə Ngon lə dəw gə m-a ɗe mə kil gə lə nji gə singamongə gə boy ngaɓa dan rɔnduba gə.

Marəke 14:62

Jeju ila kəne na: To ꞌma ja. Ɗaa a ko-mje ꞌma gə Ngon lə dəw gə m-isi dɔ ji kɔl Njesingamongə gə, m-a ɗe dan kil lə nji gə dara.

Lugu 21:27

Be ɓa d-a ko-m ꞌma Ngon lə dəw m-a kar dɔ kil gə lə nji gə dara mba ɗe gə singamongə ngaɓa gə ndogo lə-m gə boy.

Jean 19:34

ngaa njeɗɔ kara ɔsə mbo kar-ɛ gə ninga ꞌmbudu ɗaa gə ngɔdə baa məsə gə man ce kəne.

Jean 19:37

Tar lə Luba gə ɗangə pa ja cibi na: ꞌJejee d-a ka lo gə ɓə lə dəw gə d-ɔsə mbo kar-ɛ gə ninga ꞌmbudu.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

1 Thessaloniciendjé 4:17

go-e gə ngaɓa sijee gə j-aw kəm baa ɓi le, d-a kodo-si gə ꞌjejee naa gə kara baa kaw gə si mə kil gə lə nji, mba kaw kinga ne Mbayɓe mə ləl gə, be ɓa j-a kisi ne gə Mbayɓe gə dɔbo̰.

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 6:6

ɓa ꞌtəl d-oso le, ɗəw gə ɗangə gə d-a təl turu ne kəji lə-je to gə sigi le godo. Mba ꞌtəl ꞌɓərə ngon lə Luba kagə dəsə gə to gə sigi gə kar-jejee ja cibi ngaɓa d-unda-a gə ne taji gadəmagay gə.

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.

Jude 1:14

Cibi, Enɔgə gə to gəl ka Adam gə njekum gə siri pa ne ɔji dɔ dəwje nee na: Oje, Mbayɓe a ɗe gə njerɔsangəje lə-a bula-bula,

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Apocalypse 22:4

d-a ko kəm-e ngaɓa ri-a a to ngo noje gə tɔ.