Apocalypse 1:5 - Mbede Lə Luba Kone Gə Sigi

⁵ gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Testament ke Siki 1960 (Kabba Laka)

⁵ Ke deo té lo Jésus Christ, ndjè tar nadji ke tokoro, nè doou ke dongor kï mè bwa yo té, nè ndjè ko do mbaibédjé ke nange nèn. Are nè ke ndikidjè ke nòroudjè né té ke madjang lodjè deo mese té la.

Apocalypse 1:5 Iomraidhean Croise

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Jean 13:1

Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Jean 13:34

M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Jean 15:9

Ɗəw kara baa to gə Bɔy njigi-m le ꞌma kara m-njigi sisəy tɔ; umje sə-m naa gə dɔ njigi gə lə-m.

Jean 18:37

Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:32

ne gə n-o gə mbi-a gə kəm-e le ɓa n-pa tar naj-ɛ, ngaa dəwje ꞌta tar naji lə-a ang.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 26:23

To gə Kirisi a ko ꞌməsərə ngaɓa a ce buwa yo gə dɔngɔr horo nje gə d-uy gə, ɗaa a kila mbərə lokarə kar dəw mə ɓeje gə dəwje gə ꞌgərə Luba ang.

Romaindjé 3:25

ꞌNe gə Luba un-e gə nepolo, ɔji dɔ dəwje gə ꞌta kagə məs-e mba tɔji ne gadə-gadə lə-a. Mba kede ləw ja kara n-ila m-e dɔ mar-ɛ gə lal gangə tar dɔ neɗaje gə kṵra̰y gə lə dəwje,

Romaindjé 8:37

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ephésiendjé 2:4

Ngaa Luba le to gə baw nje ko kəmtondoo, mba njigi gə n-njigi-si le gad-e dum tura.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Colossiendjé 1:18

ꞌNe ja n-to dəw dɔ Mbo̰ naa lə njetakagəje to to gə dɔ dəw o̰ ne dɔ darɔ be. N-to kun kud-e, n-to dɔngɔr dəw horo nje gə d-uy gə, mba ce ne no-je gə dɔngɔr tɔ̰y.

1 Timoce 6:13

ꞌMa, m-un ndu-m m-ar-i no Luba gə to nje kar neje tɔ̰y, təbə ngaɓa no Jeju Kirisi gə pa tar naji lə-a no Po̰s Pilad gə,

1 Timoce 6:15

dɔ kar gə Luba ɓa a kɔji. ꞌNe gə kəm kɔsə gaji-ɛ cibi to gə dəw dɔ rɔ-ɛ gə a kɔji kar-ɛ baa, Mbay lə mbayje, gə Mbayɓe lə mbayɓeje,

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

1 Piyɛr 1:19

ngaa ꞌndogo-si gə məsə gə may pɛdə, to to gə məsə ngon badəm gə rɔ-ɛ to təb ngaɓa arə ngadə, to məsə Kirisi;

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 11:3

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 19:16

ꞌƊa ri kara kubu gə lə-a ngaɓa dɔ bingi-e gə na: Mbay lə mbayje ngaɓa Mbayɓe lə mbayɓeje.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.