Apocalypse 1:2 - Mbede Lə Luba Kone Gə Sigi

² gə pa tar naj-ɛ to gə ne tɔ̰y gə n-o le to tar lə Luba ngaɓa to tar naji lə Kirisi Jeju tɔ.

Testament ke Siki 1960 (Kabba Laka)

² Nè ke mpa tar nadji tar lo Allah ke tar ke tokoro lo Jésus Christ, ke né toï ke nè no.

Apocalypse 1:2 Iomraidhean Croise

Jean 1:32

Ja̰ pa tar naji lə Jeju na: M-o Njil ḭ dara to to gə dər kuul be ɗe isi dɔ-ɛ gə.

Jean 12:17

Bula dəwje gə ꞌga̰ sə-a, logə n-ɓar Lawjar n-ar-ɛ ɔsə lo ce buwa yo gə, ngaɓa ndol-e horo nje gə d-uy gə le, ꞌpa tar naji lə-a.

Jean 19:35

Ye gə o-e le to gə nje pa tar naji ɗaa, tar naji lə-a le to tar gə tɔgərɔ; ꞌne le, n-gərə to gə n-pa tar gə tɔgərɔ, mba kar-sisəy kara ꞌtaje ne kagə tɔ.

Jean 21:24

Ngon njenendo gə nee le ja ɓa pa tar naji neje gə nee ngaɓa ɗa tar-ɛ mə mbede gə nee tɔ. Ɗaa ja gərə to gə tar naji lə-a le to tar gə tɔgərɔ.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Koula 22:15

mba a to njetar naji lə-a no dəwje gə tɔ̰y ɔji dɔ ne gə o gə kəm-i gə mbi-i nəm.

Koula 26:16

Ngaa uba nangə ḭ taar ar dɔ gɔl-i gə; ne gə m-kila ne rɔ-m kəm-i gə ɓa nee: M-ɔr-i gə njekula lə-m ngaɓa njetar naji lə neje tɔ̰y gə o gə yeje gə m-a kar-i a ko.

Koula 4:20

mba ne gə j-o gə mbi-si gə kəm-si le j-a pa gə ɗaga.

1 Corinthiendjé 1:6

mba tar naji lə Kirisi gə ɓar mii mə-si gə.

1 Corinthiendjé 2:1

Ngan ko̰-mje, ꞌma le ɗaa, logə m-ɗe ɓə lə-si le, m-ɗe mba pa tar gə to ɓəəl ose kəm karə ɓa m-ila ne mbərə ne lə Luba gə to lokiya gə m-ar-si ang.

1 Jean 1:1

Ne gə ga̰ kede lo kun kudu neje gə le, ne gə nee gə j-o tar-ɛ gə mbi-si, ne gə j-o gə kəm-si, ne gə j-a tən so-so ngaɓa ne gə ji-si uwa pɛb le to tar təbə,

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

3 Jean 1:12

Dəwje tɔy ja ngaɓa tar gə tɔgərɔ gə dɔ-ɛ ja kara pa tar naji lə Demetəriyus; sijee kara ja pa tar naji lə-a nəm tɔ, ngaɓa ꞌi ja kara ꞌgərə to gə tar naji lə-si to ne gə tɔgərɔ.

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:19

ꞌƊa ne gə o gə kəm-i nee le mə mbede gə, ne gə to dɔ kar gə nee, gə ne gə a ɗe kore go-e.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 12:17

Wungu ɗa da kɔb dɔ jene gə ɗaa ɔdə aw ila ɗɔ dɔ kɛsə ngan ka jene gə, nje gə d-ila kuji dɔ toronduje gə lə Luba ngaɓa ꞌngom tar naji lə Jeju.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Apocalypse 22:21

May kar mənuji lə Mbayɓe Jeju nay gə dəwje tɔ̰y!

Apocalypse 6:9

Lo gə n-ɔr ta bəngə ji gə njekum gə mi ɗaa, m-a lo gə gəl no kɔgə ɗaa m-o kəm lə nje gə ꞌtɔl-je gə nekunja məsə mba tar lə Luba ngaɓa gə mba tar naji lə-je tɔ.