Apocalypse 1:1 - Mbede Lə Luba Kone Gə Sigi

¹ Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Testament ke Siki 1960 (Kabba Laka)

¹ Gel tar lo Jésus Christ ke téh daka, ke Allah arè ta tòdjou nganlokisidjé la né ke a téh loshénè, nè nda nare ngeré deo koula ange té la rò Jean té, ngonlokisi la.

Apocalypse 1:1 Iomraidhean Croise

Jean 12:49

Mba ꞌma m-pa tar gə dɔ-m baa ang, ngaa Bɔ dəwje gə ula-m le ngaɓa unda tar ta-m kar-m pa le ye ja m-pa ɗaa m-pa.

Jean 15:15

M-ɓar-si ngan njekulaje ang ja saar gə dɔbo̰, mba ngon njekula gərə ne gə ꞌɓəə-eje ɗa ang; m-ɓar-si njekuraje lə-m mba tarje tɔ̰y gə m-o ta Bɔy gə le, m-pa m-ar-sisəy ꞌgərəje tɔ.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 3:32

ne gə n-o gə mbi-a gə kəm-e le ɓa n-pa tar naj-ɛ, ngaa dəwje ꞌta tar naji lə-a ang.

Jean 8:26

Tarje to ya̰ ɔji dɔ si mba kar-m m-pa nəm, gə mba kar-m m-ila kagə dɔ-ɛ gə nəm tɔ; ngaa ye gə ula-m le, to dəw gə dana gadə, ɗaa, ꞌma le, tar gə m-o t-ɛ gə le ja ɓa m-pa m-ar dəwje gə dɔ nangə gə ɓi.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

Galatedjé 1:12

ꞌMa ja kara, dəw ɓa ar-m ang nəm ngaɓa dəw ɓa tɔji-m ang nəm tɔ, ngaa Jeju Kirisi ɓa kila gəl-e ar-m.

Ephésiendjé 3:3

Ɗaa to gə ne gə to lo kiya-a gə, gə ꞌkila dɔ-ɛ d-ar-m m-gərə le ɓa m-ɗa tar-ɛ ɗɔgəsɔ be mə mbede gə nee.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Apocalypse 1:19

ꞌƊa ne gə o gə kəm-i nee le mə mbede gə, ne gə to dɔ kar gə nee, gə ne gə a ɗe kore go-e.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 17:1

Be ɓa kara lə anjije gə siri gə d-uwa ngo nekay gə siri ngɛsə gə kede ɗaa pa tar to gə be ar-m na: ꞌƊe, m-a tɔji-i tar gə ꞌgangə dɔ ko̰ kaya jene gə isi dɔ baboje gə.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 19:9

N-pa n-ar-m na: ꞌƊa! Nokarə to kar nje gə ꞌɓar-je lo muru ta naa gə lə ngon badəm! Cibi ꞌpa n-ar-m na: To gə tarje gə tɔgərɔ gə Luba ja pa.

Apocalypse 21:2

Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Apocalypse 22:16

ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.

Apocalypse 22:8

ꞌMa Ja̰ ja ɓa m-o neje gə nee le gə mbi-m nəm, gə kəm-m nəm tɔ. Ngaɓa logə kəm-m o gə mbi-m o ɗaa, m-um məkəji nangə no anji gə njetɔji-m neje le gə mba pol-e.

Apocalypse 22:9

Ngaa n-pa n-ar-m na: Əw rɔ-i polo-m! M-to gə njeba kula lə-i gə njeba-ɛ lə ngan ko̰-i pajambərəje, gə nje gə ꞌngom tarje gə to mə mbede gə nee. Luba ɓa ꞌpolo-e.

Apocalypse 4:1

Go-e gə gugu ɗaa m-o ta ɗəw cɛ̰ mə dara gə, ɗaa ndu gə dɔngɔr gə pa sə-m tar gə ur mbi-m gə le ɓar to gə kuul be, pa na: Ɔdə gə nee, ɗa m-a tɔji ne gə a nday mə ndɔ gə aw ɗe gə kede əng.

Apocalypse 5:7

Ɗaa n-ɗe n-ta mbede gə to ji kɔl dəw gə isi dɔ ngəndəng mbay gə le.