2 Piyɛr 3:9 - Mbede Lə Luba Kone Gə Sigi

⁹ To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.

Testament ke Siki 1960 (Kabba Laka)

⁹ Mbaibé Seigneur ngebe ang mbata né ke nè nto, tokou mare doou wo né to goukou, a nè nourou wourè mbata losè, mbata nè ndiki doou kada ta kwoei ang, a nè ndiki ta kare dèdè toï ndé mbeté kedji né da ke madjang.

2 Piyɛr 3:9 Iomraidhean Croise

Romaindjé 13:11

May kar ꞌgərəje dɔ ndɔ gə j-isije kəne nee gə maj-ɛ: To dɔ kar gə asə mba kar ꞌndol-je ne dɔ ɓi gə, mba logə j-un kudu ta kagə ja ɓa kaji to gə si dəb.

Romaindjé 13:12

Londul aw nday ngaa, ɗaa lo aw arə tɔ. May kar j-a tɔrje neje gə londul gə rɔ-si gə gə gugu ɗaa j-odoje ne ɗɔje gə kar ɗɔ ne dan kara j-um-je rɔ-si gə.

Romaindjé 2:4

Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa?

Romaindjé 9:22

Ngaɓa to gə ɓo Luba njigi tɔji wungu lə-a ngaɓa gə tɔji singamongə lə-a, ɓa ore ur-e ndəng dɔ nje gə d-asə kar wungu lə-a ɗe dɔ-je gə ngaɓa tuji-je.

1 Timoce 1:16

Ngaa Ye gə be ɓa, Luba ɗa sə-m məmay mba kar ꞌma gə to dəw gə dɔngɔr le, Jeju Kirisi tɔji kore mə ndəng lə-a dɔ-m gə. Ye ɓa a to ne kɔji mar-ɛ kar nje gə d-a ta kag-ɛ mba kinga nee təbə gə gə ndɔ gə ndɔ.

1 Timoce 2:4

ꞌNe gə n-njigi kar dəwje tɔ̰y d-inga kaji ngaɓa kar dəwje ꞌtəl gərə tar gə tɔgərɔ.

Ebərəje 10:37

Mba ꞌpa na: Dɔ kar nay ɓəəl baa, cibi nay njɛ̰ baa be! Ɗaa nje ɗe le a ɗe, n-a ngə̰y ang.

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 3:15

To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.

Apocalypse 2:21

M-ḭya̰ dɔ kar m-ar-ɛ mba kar n-mbəl kəji lə-a dɔ kaya gə lə-a, ɗaa n-njigi mba mbəl kəji lə-a dɔ kaya gə lə-a ang.