2 Piyɛr 3:7 - Mbede Lə Luba Kone Gə Sigi

⁷ ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.

Testament ke Siki 1960 (Kabba Laka)

⁷ A deo tar té nèn to, ngem dara ke nange ke loshénè nèn mbata pourou, ngemdè sar ndò gange saria ke ndò toudjou dooudjé ke mbeté Allah kem pourou té.

2 Piyɛr 3:7 Iomraidhean Croise

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Matiye 11:22

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ-si gə le, a kədərə ya̰ kunda kar ɓe gə Tir gə ɓe gə Sido̰.

Matiye 11:24

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom.

Matiye 12:36

M-pa m-ar-si to gə ndɔ gangə tar nama tarje gə pasəra gə dəwje d-aw pa le, d-a tura go-e.

Matiye 24:35

Dara je gə nangə d-a nday, ngaa tarje lə-m d-a nday ang.

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Marəke 6:11

Ngaɓa lo gə d-uwa si mba kəne ang nəm d-o tar gə ta-si gə kəne ang nəm ɓa ɓo a kaw kɔdəje nama, ꞌkundaje kuru gə gɔl si gə mba kar to tar naji gə ila tar dɔ-je gə.

Jean 12:48

Dəw gə mbadə-m ngaɓa ta tar lə-m ang nama nje gangə tar dɔ-ɛ gə ga̰ kəne əng: tar gə m-pa nee le ja a gangə tar dɔ-ɛ gə dɔ ɗudu ndɔ gə.

Romaindjé 2:5

Ngaa gə go məkədərə lə-i ngaɓa ꞌnjigi mbəl kəji lə-i ang, ar ɔsə ne kɔr wungu ɔji dɔ-i, ɔji ne dɔ ndɔ wungu gə gangə tar gadə-gadə lə Luba a kila ne gə ɗaga,

1 Corinthiendjé 3:13

Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə.

Philippiendjé 1:28

ngaɓa njil-si ce njɛ̰ ja kara ɔji dɔ nje kəm tarje lə-si ang. Ye ɓa tɔji tuji lə-je ngaa sisəy ɗaa tɔji kaji gə ingaje, ye gə nee le ḭ rɔ Luba gə,

2 Thessaloniciendjé 2:3

Ar-je dəw inga ɗew kara kara ərə si gə tar gə baa ang. Mba kar nam ɓa kar ndɔ-ɛ gə əng le ɗe ɗaa, dəwje bula d-a kuba ɗəw lə Luba kḭya̰, ngaɓa dəw gə njeneɗa gə dɔ buguru a kila rɔ-ɛ gə ɗaga, ꞌne ngon gə nje kuba tuji.

1 Timoce 6:9

Ngaa, dəwje gə nekinga asə-je ang le d-oso dan kərə gə, dan bandə gə ɓo neje dang-dang gə ɔsə dəwje um-je lo tuji gə.

Ebərəje 12:29

Mba Luba lə-si kara to pər gə o̰ bilim-bilim.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

2 Piyɛr 3:10

Ngaa ndɔ lə Mbayɓe le a ɗe to to gə nje ɓogo be. Dɔ ndɔ-ɛ le dara a nday kar kɔr-ɛ a ɓar ɓəgəgə-ɓəgəgə, pər a ro nekundaje gə ndogo dara tɔlɔg-tɔlɔg, ngaɓa nangə gə neje tɔ̰y gə to kəne d-a nday tɔ.

2 Piyɛr 3:12

Mba aw nginaje dɔ ndɔ ɗe lə Luba le ɗaa, may kar-si ꞌndəbə-je ɓa, to ndɔ gə pər a ko̰ ne dara ja̰rɛ̰ kadə ngaɓa nekundaje gə dara kara pər a ro-je tɔlɔg-tɔlɔg

1 Jean 4:17

Oje ne gə tɔji to gə njigi may ne ɔr njal mə-si gə le ɓa nee: mba sijee j-a ɓəəl ndɔ gangə tar le ang, j-a ɓəəl ang mba kaw kəm baa lə-si dɔ nangə nee to asə naa gə kar Jeju be tɔ.

Jude 1:7

Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.

Apocalypse 17:11

Ngaɓa da gə ga̰ kede ɓa təl godo magə le, ye ja to gə mbay gə njekum gə ji nay joo. N-to kara lə nje gə siri le, ɗaa ꞌne n-aw gə lo tuji gə lə-a.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 20:11

Be ɓa m-o ngəndəng mbay gə boy gə nda, ngaɓa dəw gə isi dɔ-ɛ gə tɔ. Dara je gə nangə d-a̰y no-ɛ gə d-aw əw, toro-je kara dəw o ang.

Apocalypse 21:1

Be ɓa m-o dara gə sigi kara gə nangə gə sigi kara; mba dara gə dɔngɔr gə nangə dɔngɔr le d-igi sərərə ngaa, ngaɓa babo kara godo saar tɔ.