2 Piyɛr 3:3 - Mbede Lə Luba Kone Gə Sigi

³ May kar-si ꞌgərəje kede nam to gə, dɔ ɗudu ndɔ nama, njekogo dəwje d-a ɗe kunda-si kogo ne, ɗaa d-a nja gə go ɓo neje gə o̰ dɔ-je,

Testament ke Siki 1960 (Kabba Laka)

³ Mbata asidjé geré né nèn dongor, ndò té ke goukou ndjè koukou madjang a dé ke tar koukou madjang, dèdè da ndja deo boo ke ròdè té ndja.

2 Piyɛr 3:3 Iomraidhean Croise

Jean 12:48

Dəw gə mbadə-m ngaɓa ta tar lə-m ang nama nje gangə tar dɔ-ɛ gə ga̰ kəne əng: tar gə m-pa nee le ja a gangə tar dɔ-ɛ gə dɔ ɗudu ndɔ gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Timoce 3:1

May kar-i gərə gə maj-ɛ to gə, dɔ ndɔje gə gugu nama lo a kədərə ya̰.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

2 Piyɛr 1:20

ꞌGərəje kede nam to gə tar gə pajambərəje pa mə mbede gə le, dəw kara ja asə kɔr gəl-e gə kəm karə lə-a ang,

2 Piyɛr 2:10

ꞌJejee gə gə go mal neje gə mina, ꞌsangə ne go rɔləl gə darɔ gə ɗaa ꞌdabə ne singamongə lə Mbayɓe dasəra ja ɓa a kədərə gə je. ꞌTo nje mə bo nekusaje, nje gasəraje, ꞌɓəəl taji nekundaje gə dara gə riɓar to dɔ-je gə ang,

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

Jude 1:16

Dəɓ-eje gə nee le, ꞌto nje no rɔ-jeje gə njerɔkadəje ja jaga ɔji dɔ rɔ-je, gə go ɓo ne gə kṵra̰y gə uwa mə-je, ꞌpa tar d-ɔsə ne rɔ-je ngaɓa d-ərə ne kəm dəwje.

Jude 1:18

ꞌPa d-ar-si na: Dɔ ɗudu ndɔ nama, dəwje d-a kunda-si kogo ne ngaɓa d-a nja gə ɓo neje gə kṵra̰y gə uwa mə-je ngaɓa d-a gərə Luba ang.