2 Piyɛr 2:4 - Mbede Lə Luba Kone Gə Sigi

⁴ Mba to gə ɓo Luba ɔr kəm anjije gə ɗa neɗa gə kṵra̰y ang, ngaa ɔsə-je um-je dan cil ciməri gə mə buwa wəl gə sṵra̰ godo, ar ꞌto d-aw ꞌngina gangə tar,

Testament ke Siki 1960 (Kabba Laka)

⁴ Mbata tokou Allah ïya angedjé ang, ndò ke dèdè nda madjang, a nè nongoudè tokou bwa té ke ntòdè londoul té nya, ta ngemdè sar ndò gange saria.

2 Piyɛr 2:4 Iomraidhean Croise

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Matiye 8:29

D-uru ꞌkuwi na: Ngon lə Luba, ɗi ɓa aw njigi ji-si gə wa? ꞋI ɗe mba bɛ̰ ta-si kede nam ɓa kar ndɔ gangə tar gə Luba ɔji asə wa?

Marəke 5:7

ngaɓa n-uru ꞌkuwi ɓolong na: Se ɗi ɓa ꞌnjigi rɔ-m gə wa? Jeju, Ngon lə Luba gə sam dara gə. M-pa m-ar-i, no-gɔl Luba gə ja, əw rɔ-i kula kəm-m ndoo.

Lugu 10:18

Jeju pa ar-je na: Oje gə maj-ɛ ɓa! M-o ꞌSu ce pir to gə təl lə nji be dɔ-ɛ gə nangə əng.

Lugu 8:31

Ngaɓa, d-oso kul no Jeju gə ya̰ mba kar tɔbə-je um-je mə buwa wəəl gə ang.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Romaindjé 11:21

mba to gə ɓo Luba ɔr kəm bar kəm kagəje gə uba ang nama, ꞌi kara n-a kɔr kəm-i ang tɔ.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

2 Piyɛr 2:11

Anjije gə singaje gə singamongə lə-je al dɔ lo ja kara pa tar taji nekundaje nee le gə gangə tar no gɔl Mbayɓe gə ang.

2 Piyɛr 2:5

to gə ɓo nekundaje gə dɔ ndɔ gə kede ləw kara n-ɔr kəm-je ang, dɔ ndɔ gə n-ar man bələm ta ne nekundaje gə ta kəm-e ang. Ngaa dəwje ji nay jo baa ɓa n-gom-je, gə dəw kara horo-je gə ri-a na Nowe, njekila mbərə ne gə gadə-gadə.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

Jude 1:13

ose ꞌta naa gə ꞌpagəm babo gə ḭ pu-pu tomɛ nerɔkulje, ꞌta naa gə ndɛ̰ndərɛ̰ndɛ̰je gə njekila taarje, Luba ar-je d-ar lo kara baa mə cil ciməri gə ndul njudə-njudə gə gə dɔbo̰.

Jude 1:6

Cibi, anjije gə asə ngom singa gə d-inga ang, ɗaa d-iya̰ lokisije le, ꞌtɔ-je gə kula lar gə ngangə ꞌngom-je mə buwa gə ndul ngina ne ndɔ gangə tar gə boy.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.