2 Piyɛr 2:3 - Mbede Lə Luba Kone Gə Sigi

³ Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

Testament ke Siki 1960 (Kabba Laka)

³ Deo mè koï né té ke dadè dèdè da keresè ta taa né losè ke tar ke gatang lodè, dèdè ke saria lodè ke leo to ba ang, ke kwoei lodè kem pourou té tibi ang.

2 Piyɛr 2:3 Iomraidhean Croise

Matiye 23:14

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba o̰je mə kəy lə jene ndubaje ləm-ləm, ɗaa ar-je kəne ja cibi dəji-je Luba ngɔɔgɔ-ngɔɔgɔ ar-je gə kəne əng kuru-si əw ərəje ne kəm dəwje; gəl-e gə nee ɓa, tar gə kədərə a kuwa dɔ-si.

Lugu 18:8

M-pa m-ar-si, n-a pa tar dɔ-je gə ngɔdə ja baa kar-je. Ngaa lo gə Ngon lə dəw a ɗe le se a kinga dəwje gə nje ta kag-ɛje dɔ nangə ne ja wa?

Lugu 20:20

D-un kudu kunda kəm-je go Jeju gə ɗaa, d-ula dəwje gə ꞌɗa rɔ-je gə dəwje gə dana gadə-gadə be, d-ar d-aw ꞌnga̰ Jeju. ꞌSo̰-ɛ gə mba kinga tar gə ban wo̰yḭ t-ɛ gə, ɓa gə mba kuwa-a kula-a ne mə ji njeko̰ ɓeje gə Rɔm gə.

Lugu 22:47

Logə n-aw n-pa tar t-ɛ gə baa ɓi ja ɗaa, bula dəwje ꞌce pɔɔ. ꞌNe gə ɓar-ɛ Judas gə Isikariyɔdə, kara lə ngan njenendoje gə dɔg gə gir-je gə joo ɓa ɔr no-je; n-ɗe rɔ Jeju gə ɗaa, n-uwa n-to mbi-a pu-pu.

Jean 2:16

Cibi Jeju təl pa ar nje ɗabə dərje na: Odoje neje gə nee gə tɔg-ɛ lo gə nee gə gə ɗaga, ꞌɗaje kəy lə Bɔy gə kəy ne ndogo ang.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

1 Thessaloniciendjé 2:5

Be ɓa sisəy ja kara ꞌgərəje to gə, no gɔl Luba gə ja, ndɔ kara j-a yom-si gə tar ang nəm, ngaɓa ɓo neje kara uwa-si ɓərə gə ang nəm tɔ.

1 Thessaloniciendjé 5:3

Logə dəwje d-a pa na: Lo to ɗɛgɛgɛ ngaɓa nejɔgəje godo ngaa! Be ɓa dɔ kar-ɛ gə əng ja tuji a kuba-je nangə bus to to gə gə ndo gə ɔsə jene be ɗaa dəw kara kara a ce t-ɛ gə ang.

1 Timoce 3:3

N-a to ɓərə lə kodo ang, n-a to nje tɔsə tar ang, ngaa n-a to dəw gə kul lom ngaɓa n-a to dəw nuji, n-a to dəw gə ɓo lar a ɗ-ɛ ang.

1 Timoce 3:8

Ɗəw kara baa, diyakərəje d-a to dəwje gə d-a kila ngon kuji dɔ rɔ-je gə gə maj-ɛ, ndu-je a kḭ joo ang, d-a toje gə ɓərə lə kodo ang ngaɓa d-a mbɔl-ɛ lar ang tɔ.

1 Timoce 6:5

ma̰y tar gə sṵra̰ godo horo dəwje gə kəji negərə lə-je uy mbudugu, ar tar gə tɔgərɔ godo mə-je gə, ngaɓa d-o tar kila kuji dɔ ne gə lə Luba to gə ɗəw nekuga dɔ ji lə-je.

Tite 1:11

Be ɓa may kar ɔgə-je lo-e. ꞌTuji-je takagə lə njenujije gə mə kəy kəy gə neje gə kəm tɔji ang ja mba kinga ne ne dɔ ji gə to ne rɔ kul.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

1 Piyɛr 2:8

ꞌƊe ꞌtuga gɔl-je jigi gə ꞌce d-oso mba ꞌmbadə kila kuji dɔ tar gə, ꞌnay mba ne gə ɔji dɔ-je.

1 Piyɛr 5:2

Kuduɓe badəmje gə Luba um-je ji-si gə le, uulje-je gə mə njigi lə-si gə go ndu Luba, ɓo gə singa ang nəm, ɓa mba nekuga gə dɔ buguru ang nəm, ngaa ꞌɗaje gə go njigi.

2 Piyɛr 1:16

Logə j-ila mbərə ɗe gə Mbayɓe lə-si Jeju Kirisi a ɗe gə singamongə j-ar-si le, to gə ꞌsu gə dəwje d-ɔr gə kəm karə lə-je ɓa j-ɔr j-ar-si ang, ngaa sijee ja j-o-e lo kunda rɔ-ɛ gə to ɓəəl gə kəm-si nda̰-nda̰;

2 Piyɛr 2:1

Be ɓa kede ləw kara pajambərəje gə gə mbɔr-ɛ ꞌga̰ horo dəw mə ɓeje gə, ɗəw kara baa, horo-sisəy gə kara njenetɔjije gə gə mbɔr-ɛ ꞌtɔji neje gə baa gə kar kuba tuji ngaɓa ꞌturu gir-je d-ar Mbayɓe gə ndogo-je, mba kar tuji uba-je ne nangə bus.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

Jude 1:11

Nekəmandoo to kar dəwje gə nee le, mba d-un kila ɗəw lə Ka̰yi; ꞌpa tar gə baa mba lar to gə Balam be; d-uy yo mbə to gə Kore uy yo dɔ kədərə be.

Jude 1:15

mba gangə ne tar dɔ dəwje gə tɔ̰y ngaɓa gə mba kila ne tar dɔ dəwje gə ꞌgərə Luba ang ɗəw kula ɗaje gə may ang gə nəm, gə tarje gə baa-baa gə njeneɗaje gə kṵra̰y nee le ꞌpa dɔ Luba gə.

Jude 1:16

Dəɓ-eje gə nee le, ꞌto nje no rɔ-jeje gə njerɔkadəje ja jaga ɔji dɔ rɔ-je, gə go ɓo ne gə kṵra̰y gə uwa mə-je, ꞌpa tar d-ɔsə ne rɔ-je ngaɓa d-ərə ne kəm dəwje.

Jude 1:4

Be ɓa, dəwje gə kɛm d-andə horo-si gə go ngə̰y baa, ꞌto dəwje gə ꞌpa tar gangə tar gə uwa dɔ-je ləw baa mə mbede gə. Dəwje gə kṵra̰y gə mbəl mənuji lə Luba lə-si ꞌta ne toro kaya, ngaɓa ꞌmbadə ꞌɓəə-sijee gə kara baa gə Mbayɓe Jeju Kirisi.

Jude 1:7

Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.