2 Piyɛr 2:12 - Mbede Lə Luba Kone Gə Sigi

¹² Ngaa ꞌjejee nee le, ꞌto to gə gə daje gə kəji lə-je godo be, gə ꞌto kar tuwa-je gə tɔl-je, be ɓa ꞌtaji ne ne gə ꞌgərə ang, ɗaa d-a busu to gə daje busu ne be tɔ,

Testament ke Siki 1960 (Kabba Laka)

¹² A dooudjé nèn to tokou dadjé ke éh ke gousou ang, ke doudjoudè baa ta kare dwaadè ta tòldè, dèdè ntadji né ke dèdè ngeré ang, dèdè da kwoei mè tar toudjou té lodè.

2 Piyɛr 2:12 Iomraidhean Croise

Marəke 7:22

ɓogo lo to, ɓo lar, məndul, kunda gusu, dɔ godo, kəm kə̰y, taji Luba, kunda kar, gə mbə ḭ kəne.

Jean 8:21

N-pa n-ar-je ja cibi na: ꞌMa m-aw lo lə-m, a sangə-mje ɗaa a kuyje dan neɗa gə kṵra̰y gə lə-si. Logə ꞌma, m-aw gə kəne le, sisəy a kasə kawje kəne ang baa.

Galatedjé 6:8

Dəw gə dubu ne gə kəji lə darɔ ḭ m-e gə ɗaa, a kunja ne gə ndum mbudugu ɗəw darɔ gə. Ngaa ɓo, dəw gə dubu ne gə gə kar Njil nama, a kunja kisi kəm baa gə ndɔ gə ndɔ ɗəw Njil ja tɔ.

Colossiendjé 2:22

Neje tɔ̰y nee le to neje gə dəwje d-aw ɗa ɗaa a tuji ang wa? To ndu ko̰ dɔ neje gə netɔjije gə ḭ ta dəwje gə ja baa,

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 2:19

ꞌJejee nee ja kara kəji neɗa gə kṵra̰y uwa-je ɓərə gə, mba na-na ja kara to ɓərə lə ne gə o̰ ɓe dɔ-ɛ gə, ngaa ꞌpa d-ar nje gə əng, na d-a kar-je d-inga dɔ to dɔy.

Jude 1:10

Ngaa dəwje gə kən le, ne gə ꞌgərə ang kara ꞌtaji nəm, ngaɓa ꞌdole go kəji lə-je to gə daje gə mu gə kore dɔ-je godo be, ꞌtuji ne rɔ-je pugudu.