2 Piyɛr 1:8 - Mbede Lə Luba Kone Gə Sigi

⁸ Be ɓa ɓo neje gə nee le to mə-si gə ngaɓa ɓo ɔsə dɔ naa gə kede-kede nama, a ɗaje kula kar nduj-e a to mba kar ꞌgərəje ne Mbayɓe Jeju Kirisi;

Testament ke Siki 1960 (Kabba Laka)

⁸ Mbata tokou né nèn to mèsè té ke bar nya, a dasè to ndjè dabedjé ang, aséh to nè ke ao katé ang deo geré Mbaibé té lodjè Jésus Christ.

2 Piyɛr 1:8 Iomraidhean Croise

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Matiye 20:3

Logə n-ce ɗaga gə kar gə asə ji nay kara be gə ndɔɔ-sḭ ɗaa n-o njekulaje gə kɛm gə d-ar nada baa, lal kula

Matiye 20:6

Logə kar um ji-a dɔ baa gə ɗaa njekəy le təl ce ɗaa, inga dəwje gə d-ar nada baa ja cibi, ɗaa dəji-je na: Mba ɗi ja ar-je lo gə nee gə gə ndɔɔ baa ja lal ɗa kula wa?

Matiye 25:26

ꞌƁəə-eje le təl ila-a kəne na: Ngon njekula gə kṵra̰y gə njedabə, ꞌgərə to gə lo gə m-dubu ne kəne ang kara m-unja nəm ngaɓa ndɔ lə-m ang baa kara m-unja ne kəne nəm ɗaa,

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 5:42

ngaa m-gərə-si som, sisəy le, njigi lə Luba godo mə-si gə.

Romaindjé 12:11

Ar-je rɔ-si ɔlɛ kəne pɛl ɓo ꞌdabəje ang. Uwaje gədərə mə kəji gə lə-si, ꞌɗaje kula ar-je Mbayɓe.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

2 Corinthiendjé 13:5

May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

2 Corinthiendjé 8:2

Dan nekəmandoo gə ce dɔ-je gə bula ja kara, rɔ-je ləl-je al dɔ lo, d-isi dan ndoo gə to ɓəəl ya̰ ja ne d-ore dɔ-ɛ nangə ꞌcɛ̰ mə ji-je d-un nekingaje lə-je d-ar al dɔ lo,

2 Corinthiendjé 8:7

Ɗəw kara baa, to gə sisəy ꞌtoje baw dɔ neje gə tɔ̰y nee: takagə nəm, tar pa nəm, negərə nəm, ndəbə sər dɔ neje gə gə loe-loe ngaɓa njigi gə njigi-je sijee nəm, may kar ꞌɗaje kula mənuji gə nee le ar-je uru gada.

2 Corinthiendjé 9:14

ꞌƊəji Luba mba tar lə-sisəy, ꞌtɔji njigi lə-je ɔji dɔ mənuji lə Luba gə uru dɔ mar-ɛ, gə to dɔ-si gə.

Philippiendjé 1:9

Ngaɓa m-dəji Luba mba kar njigi lə-si ɔsə dɔ mar-ɛ gə kede-kede, kar kəm-si unja ar ꞌgərəje ne ne gə may ngaɓa kar ɔrəje ne kəm ne gə may gə ne gə kṵra̰y.

Philippiendjé 2:5

Ar-je kəji gə to mə Kirisi Jeju gə ɓa uwa mə-si,

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

1 Timoce 5:13

Ye gə ɗangə ja cibi ɓa nee, ꞌtoje gə njedabəje baa, ndoje ɗəw nja gə ta kəy kəy, ngaɓa to njetaɓarje baa ang ne, to njeɗəgərəje nəm, cibi d-ula rɔ-je mə ne gə ɔsə-je kəne ang tɔ. Jene ndubaje gə ꞌto njedabəje nee le pa tar ne gə asə kəm pa ang baa.

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Pilimo 1:6

May kar takagə lə-i gə j-a ɗa mə kara kəne le ɓar mii ɗəw gərə ne tɔy gə may ɔji dɔ sijee mba Kirisi.

Ebərəje 6:12

ɓo ꞌdabəje dɔ-ɛ gə ang ngaa may kar-si ꞌndəjije kəm nje gə d-uwa gədərə gə go takagə gə ɓa d-inga ne nenduba gə d-uwa dɔ gɔl-ɛ le.

2 Piyɛr 1:2

May kar mənuji gə ɗɛgɛgɛ d-ɔsə kudu naa ngug-ngug dɔ-si gə go ɗəw gərə ꞌgərəje Luba gə Mbayɓe lə-si Jeju!

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.